“Ha'u-nia programa prioridade lima maibé ha’u prefere liuba rua mak primeru atu lori prezidensiál atu hakbesik ba povu. Ha'u fiar katak prezidente nia fatin la'ós de'it iha ai-tarak maibé presiza lori duni prezidente ba povu nia leet, rona no komprende didi’ak impaktu dezenvolvimentu ba povu nia moris loroloron, halo diálogu konstante ho Governu hodi foku ba nesesidade ne'ebé povu enfrenta”, dehan Milena hafoin sai oradór ba Semináriu iha Kampus FCS-UNTL, Kaikoli, kuarta (23/02).
Kandidatu Númeru Sorteiu 7, Milena Pires fó preoridade liu programa importante rua tau konsiésia prioridade ba dezigualdade sosiál no injustisa sosiál, ne'ebé akontese iha nasaun Timor-Leste.
“Programa importante ida seluk mak sai Prezidente Repúblika tenke sai konsiénsia ba desigualidade sosiál no injustisa sosiál hothotu ne'ebé la'o iha rai laran no uza poder Xefe Estadu majistatura influénsia tomak mós ba politika públika iha área idak-idak”, informa nia.
Kandidatu ne'e, sujere ba eleitór sira espesialmente feto sira atu hili feto mak sai Xefe Estadu ida-di'ak ba povu tomak, tanba votu mak determina futuru nasaun nia.
“Feto maluk komprende didi’ak saida mak feto presiza hala atu ezerse ita-nia votu ho didi’ak tanba ita votu mak determina ita-nia futuru, tane-as no fihir didi’ak programa no kapasidade kandidatu sira, la'os ona tempu atu konta ita-nia istória presiza programa konkretu atu hadi'a povu nia moris”, dehan nia. (*)