Parlamentu Nasional kontinua adia prosesu ratifikasaun ba tratadu Fronteira Marítima, ne'ebé asina ona entre Timor-Leste no Australia iha Fulan Marsu 2018.

Tempo Timor - koligasaun Alanca Maioria Parlamentar (AMP) dezde kampaña elisaun antesipada 2018 publikamente deklara la estende mandatu Prezidente Autoridade Rejiaun Administrativa Espesial Oekusi-Ambenu (RAEOA), Mari Alkatiri.

Aliansa Nasional Timor-Leste (ANTL) kestióna ema ne’ebé 'liman raan' ho kultura impunidade hodi kaer Ukun iha Republika Indonezia (RI).

Polisia Nasionál Timor-Leste (PNTL) konvida Xefe Estadu, Francisco Guterres Lú Olo, atu partisipa iha aniversariu i stituisaun nian no mós swrimonia tomada-de-pose Komandante Jerál foun PNTL nian.

Tempo Timor- Atual Komandante Jerál PNTL, Komisáriu Júlio Hornai, la duvida ho estrutura foun ne'ebé atu troka sira.

Governu rekonese numeru dezempregu iha Timor-Leste aumenta 15.000 iha kada tinan.

Tempo Timor - Primeiru Ministru Taur Matan Ruak dála ida tan venda promesa incerteza ba populasaun sira hela iha Dili katak governu atu halo kualifikasaun ba sidade Dili ho urbanizasaun mais organizadu.

Inundasaun ne'ebé akontese iha Dili semana kotuk rezulta ema ida mate no na'in neen (6) tama ospital.

Xefe Est6ado Maiór Jenerál FALINTIL Forsa Defeza de Timor Leste (F-FDTL), Majór Jenerál Lere Anan Timur husu atu halo revolusaun mental ba jerasaun hodi prepara sai lideransa maduru iha futuru.

Tempo Timor: Ministru Estadu ba Habitasaun Planeamentu no Administrasaun Lókal, Repúblika Irlanda, Damien English, hatete, Dublin sei halo kooperasaun ho Dili atu simu sidadaun Timor- oan sira uza passaporte Timor-Leste hodi ba servisu iha Irlanda.

“Ami sei kontinua halo kooperasaun ho Governu Timor-Leste atu hareE konaba asuntu ida ne’e para depois ita nia sidadaun Timor oan sira ne’ebé mak ba servisu iha Irlanda bele uza pasaporte Timor-Leste hodi servisu”, hatete Ministru Estadu ba Habitasaun Planeamentu no Administrasaun Lókal husi Repúblika Irlanda Damien English, ba Jornalista sira, hafoin hasoru malu ho Primeiru Ministru Taur Matan Ruak, Tersa (19/03), iha Palasiu Governu. 

Daudqun ne’e Timor oan barak mak serbisu iha Europa ho passaporte Português nian. Maibe atu fasilita timor oan sira ba serbisu iha Republika Irlanda Governante nee dehan vistu ba sidadaun Timor oan sira ne’ebé uza pasaporte Timor-Leste, iha departementu rua (2 ) mak trata asuntu vistu nian.

“Ami iha departamentu 2 iha ami nia Governu ne’ebé mak trata konaba asuntu ne’e, maske tratamentu ne’e defisil tebes”, dehan Damen English.

Ministru Estadu ba Habitasaun Planeamentu no Administrasaun Lókal husi Repúblika Irlanda , dehan nia sei informa ba nia Primeiru Ministru, atu ba hasoru malu ho sidadaun Timor-Leste ho nia familia ne’ebé dadaun ne’e servisu iha Republika Irlanda. 

“Ami mos fiar metin katak, Governu Timor-Leste bele haruka ninia reprezentante ofisial atu ba hala’o vizita iha ne’ebá ,wanhira hau fila ba iha Irlanda hau mós hato’o ida ne’e ba hau nia Primeiru Ministru no mos atu hasoru malu ho sidadaun Timor-Leste ho nia familia sira ne’ebé mak oras ne’e hala’o hela servisu iha Repúblika Irlanda”, dehan English.

Ministru Estadu ba Habitasaun Planeamentu no Administrasaun Lókal husi Repúblika Irlanda nee sente orgullu ,tamba ho Timor oan sira nia esforsu no nia servisu makas bele fo kontribuisaun pozitivu ba dezenvolvimentu iha Republika Irlanda.

“Los duni dadaun ne’e iha Mil Ital resin sidadaun Timor ne’ebé maka oras ne’e dadaun servisu iha Irlanda do Norte no mos Irlanda do Sul ,ami sente sorte tebes ,tamba ho Timor oan sira nia esforsu no mos nia servisu maka ami mos bele aseleira ami nia dezenvolvimentu país ninia”, hateten English.