Primeiru Ministru, Taur Matan Ruak, konsidera problema ne'e mosu tanba hahalok husi komunidade liga ba lixu no kontrusaun uma.
"Tinan barak la halo limpeza diak depois ita-nia sidade desorganizadu, ema ida-idak halo nia uma. Iha bee dalan mos halo uma, naturalmente iha nia konsekuensia", dehan nia, iha Palásiu Prezidensiál, Bairru-Pité, Kinta (21/3).
Xefe Governu konxiente katak ne'e problema boot, nune'e sei buka meiu hotu-hotu rezolve atu labele mosu tanba inundasaun iha futuru.
Importante mos ba komunidade sira lablee soe lixu arbiru iha esgostu no bee dalan sira, tanba ne'e mos fator ida ne'ebé kontribui ba inundasaun.
Nune'e, Governu tenta atu dezenvolve Dili sai sidade furak, maibe sidadaun sira halo uma tuir ida-idak nia gostu hanesan iha foho.
"Governu esforu lori sidade ba foho, ida ne’e lae ita nia populasaun lori fali sidade ba foho", tenik Taur.