Privativu OJE 2021: PN Hetan Tokon 16.9, Deputada La Konkorda

Emblema Parlamentu Nasionál Timor-Leste. Emblema Parlamentu Nasionál Timor-Leste. Foto Google

Tempotimor (Dili) - Deputadu sira iha Parlamentu Nasionál (PN), Tersa (29/9), hala'o diskusaun ba proposta tetu orsamentu privativu Orsamentu Jerál Estadu tinan fiskál 2021, ne'ebé prevé husi governu ho totál tokon US$ 16.9.

Iha tetu orsamentu ne'e, deputada Bankada CNRT Carmelita Monis propoin ba meza atu hasai alokasaun orsamentu viajen estranjeiru tokon US$ 1.

Tuir nia, dadauk iha hela situasun sutru Covid-19, entaun sei laiha viajen estranjeiru, tanba ne'e diak liu ko'a osan ida ne'e.

"Iha ne'e, hau hakarak husu liuliu ida viajen estranjeiru ne'e, di'ak liu hasai tiha," dehan nia, iha debate orsamentu privativu 2021, iha plenariu PN.

Iha fatin hanesan, deputadu Bankada FRETILIN, Antonino Bianco hatete, konkorda atu hasai orsamentu tokon US$ 1 ne'ebe preve iha viajen estranjeiru nian.

Nia hatutan, daudauk arte sira husi ONU halo serbisu liu husi online, entaun Timor-Leste lalika buka moras, diak liu hasi tiha orsamentu ne'e hodi preve ba reforsa atividade sira iha rai laran. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.