Tempotimor (Dili)-Prezidente Pelican Paradise, Edwar Ong hatete, nia parte agradese ba Prezidente Repúblika (PR), José Ramos Horta, no Prezidente Partidu CNRT, Kay Rala Xanana Gusmão inkui Primeiru Ministru (PM), Taur Matan Ruak tanba konsege apoiu korajen inklui aselera akordu projetu investimentu entre Governu Timor-Leste ho pelican paradise.

Tempotimor (Dili)-Prezidente Repúblika (PR), José Ramos Horta, konsidera Projetu Lei númeru 42/V (4a)- kona-ba Responsabilidade Prezidente Repúblika ne'ebe inisia husi Parlamentu Nasionál (PN) ne'e la'ós prioridade husi Xefe Estadu foun.

Tempotimor (Dili)-Prezidente Repúblika (PR), José Ramos Horta hatete, nia parte sei foku ba hadi’a ekonomia rai laran, maibé lakohi rona diskursu politiku sira.

Tempotimor (Vikeké)-Prezidente Repúblika (PR), José Manuel Ramos Horta, promete sei viabiliza forma akomoda Arte Moris no Grupu Artistiku iha estrutura ne’ebé sei hari’i hamutuk ho palásiu Prezidensiál.

Tempotimor (Vikeké)-Prezidente Repúblika (PR), José Manuel Ramos Horta, delega Sekretáriu Estadu Kooperativa (SEKOOP), Elizário Ferreira, sai inspetór ba Serimónia Isár Bandeira ba Komemorasaun loron independénsia ba dala XX loron 20 fulan-Maiu tinan 2022 iha Munisípiu Vikeké.

Tempotimor (Dili)-Prezidente Repúblika, José Ramos Horta, orgullu nu'udar Timoroan bele komemora loron restaurasaun independénsia Timor-Leste ba dala-XX.

Tempotimor (Dili)-Prezidente Repúblika Portugál, Marcelo Rebelo de Sousa fó kondekorasaun grande kolár ho orden infante Dom Henrique ba Prezidente Repúblika (PR) sesante Francisco Guterres ‘Lú Olo’ molok termina mandatu iha loron 19 maiu tuku 23:59 oras Timor-Leste (otl).

Tempotimor (Dili)-Prezidente Repúblika (PR), Francisco Guterres ‘Lú Olo’, konsidera funsionáriu públiku husi eskalaun ki'ik to'o boot iha Palásiu Prezidensiál, sei iha dever atu hametin memoria instituisionál ne'ebé Prezidente Repúblika husik hela ba Prezidénsia foun.

“Ha’u fiar katak imi ida-idak sei kumpre imi-nia dever atu hato’o memória institusionál ne’ebé ha’u no ha’u-nia ekipa konfiansa polítika husik ba Prezidénsia tuir mai, ho Prezidente Repúblika foun, Dr. José Ramos-Horta no ninia ekipa konfiansa polítika”, dehan nia hafoin atribui medalla Grau Kolar no sertifikadu apresiasaun ba funsionáriu públiku no kontratadu inklui traballadór, iha Palásiu Nobre Lahane, kuarta (18/05).

Tanba loron 18 maiu hanesan loron ne'ebé ikus liu ona ba Prezidente Republika sesante hodi hasoru malu ho kolega servisu durante tinan lima ikus liu, iha fatin istóriku ida, Palásiu Nobre-Lahane.

Ba mandatu prezidénsia Lú Olo ne'ebé termina iha loron 19 kalan, mak Prezidente Repúblika hein katak ba oin, kolega servisu hothotu sei hatutan relasaun amizade ne’ebé habelar durante mandatu Prezidente Repúblika ba períodu 2017-2022.

Ho prosesu kondekorasaun ne'ebé mak atribui ba padre João Felgueiras, sidadaun Timor-Leste, nomós sidadaun naun-nasionál na’in-rua, Teresa Coelho no Ana Mónica Carvalho, la’ós servisu iha Prezidénsia Repúblika, maibé kontribui barak tebes ba servisu prezidénsia nian la’o di’ak nomós ba benefísiu komunidade no dezenvolvimentu Timor-Leste.

Iha ne'e, Prezidente Lú Olo ho haksolok boot, bele kondekora ho Ordem Timor-Leste ba kompatriota sira ne'e nu’udar rekoñesimentu no valorizasaun ba sira-nia servisu ho eselénsia no ba sira-nia dedikasaun, liuhusi kna’ar oioin, nu’udar voluntáriu, ne’ebé kontribui ba benefísiu Timor-Leste, ba timoroan no ba umanidade.

Ba kompatritota no belun sira seluk, nu’udar kolega servisu, ne’ebé kolabora ho servisu ne’ebé de’it, durante nia mandatu, mak Prezidente Repúblika iha nia dever atu husik hela rekoñesimentu no valorizasaun liuhusi rekordasaun ida, no sertifikadu apresiasaun ba ida-idak ninia kontribuisaun.

“Ha’u louva imi hothotu ninia kontribuisaun, nu’udar traballadór limpeza husi setór privadu nomós funsionáriu públiku hanesan jardineiru, pesoál seguransa no funsionáriu públiku husi eskalaun kiik to’o kargu xefia sira hotu iha Prezidénsia Repúblika nomós kontratadu sira liuhusi nomeasaun polítika”, hatete Lú Olo.

Durante mandatu, Prezidente Repúblika, nia rasik sempre konta ho funsionáriu públiku sira tanba sira mak mákina prinsipál ba funsionamentu Prezidénsia Repúblika nu’udar instituisaun Estadu nian, no sira mak garante memória institusionál ba nasaun Timor-Leste.

Maske, servisu transizaun nian la’o dadaun ona no maibé fiar katak ekipa konfiansa polítika husi PR sesante, hamutuk ho kooordenadór hothotu, sei halo entrega servisu, material eskritóriu no ekipamentu hotuhotu, ho Termos de Entrega.

“Ha’u hein katak funsionáriu públiku hametin-an nafatin nu’udar servidór Estadu nian ho étika profisionál. Nune’e, sei la hasees-an husi sira-nia devér profisionál atu kaer servisu ho imparsialidade, iha tempu ne’ebé de’it, biar ida-idak iha direitu tama iha partidu políku ne’ebé de’it”, afirma nia. (*)

Tempotimor (Dili)-Prezidente Repúblika (PR), José Ramos Horta, agradese ba Governu daualu ne'ebé ho inísiativa realiza misa agradesimentu ba Serimónia toma pode ba Prezidente Repúblika foun inklui mós selebrasaun loron restaurasaun indepénsia ba dala 20.

“Ha’u nu’udar sarani no Prezidente Repúblika eleitu agradese inisiativa ne’ebé sai hanesan tradisaun ona. Kada eventu nasionál halo misa agradesimentu ba Na’i Maromak, nune’e fó bensaun ba rai Timor-Leste no povu tomak”, dehan nia hafoin partisipa misa agradesimentu iha Igreja Katedrál, kuarta (18/05).

Nu’udar Prezidente Repúblika sente kontente tanba rona amu Papa mós simu ona informasaun katak desizaun Parlamentu Nasionál deside atu apoiu adota deklarasaun pás mundiál ka fraternidade umana hodi kontinua follow up ho Governu atu haree oinsá deklarasaun ne’e adapta ba kurríkulu eskolár.

Tanba Intensaun ida ne’e, oinsá mak atu sosiedade tomak no jerasaun hothotu bele hakle’an liután sira-nia fiar ba dame, ba solidaridade no ba fraternidade.

Prezidente Komisaun Organizadora Serimónia Toma Pose Prezidente Repúblika no komemorasaun loron 20 maiu, Miguel Pereira de Carvalho hatete, eventu rua ne'ebé hala'o iha loron 19 no 20 maiu, ida ne'e nu’udar loron ne'ebé importante tebes ba Timór, tanba ne'e presiza inklina mós programa sira kona-ba misa agradesimentu. (*)

Tempotimor (Dili)-Prezidente Republika (PR), Francisco Guterres ‘Lú Olo’, iha loron kuarta (18/05) konsege promulga ona Lei Orsamentu Retifikativu hamutuk billaun $1.241 ne'ebé aprezenta husi Parlamentu Nasionál (PN).