Tanba, vasinasaun ne'ebé durante realiza iha Munisípiu Baukau la'o tama sai uma hodi implementa hotu kedas vial balun iha fulan-outubru no novembru nia laran.

"Astrazeneca vial-3 baku ba sepulu karik tigapulu orang nian ne'e horseik iha 30 novembru nian," dehan artemizia kuarta (01/12).

Antes ne'e, pesoál saúde sira simu orientasaun husi Diretór Jerál Saúde nian katak, vasina atu la'o lais la prezisa ema to'o na'in-12 mak loke, maibé haree ema na'in-5 ba leten bele loke fó vasina ba sidadaun sira ne'ebé hakarak.

Nune'e, Diretór Servisu Saúde Munisípiu Baukau Domingos Reinaldo da Costa Guterres hatete, stock vasina vial-3 ne'ebé expire iha armazenamentu SAMES Baukau, ekipa sira hahú tun ona ba nasionál hodi lori fali vasinasaun foun hodi kontinua vasina ba sidadaun sira doze dahuluk no daruak.

"Vasina laiha ohin ami para, horseik loraik sira foti mai aban ami kontinua, ita bele dehan estraga maibé prazu ai-moruk limitadu ona, ita labele halo buat ida", nia afirma

Tanba, vanisa AstraZeneca ne'ebé iha Timor-Leste, durasaun tempu la naruk atu rai kleur iha armazenamentu, nune'e komunidade konsiensia to'o vasina balun expire.

Maske vasina vial-3 expire, maibé parte saúde la fó sala ba ema ida, tanba atu partisipa iha vasina mai husi ema ida-ida nia konsiensia no iha periodu fulan-dezembru tinan 2021 sei esforsu di'ak liután atu aselera atu vial tuir mai labele hetan estragus ka expire.

"Komunidade balun la fiar iha buat oi-oin mosu polítika, entaun dada naruk tempu, to'o expire," katak domingos

Tuir planu Saúde Munisípiu Baukau ba periodu fulan-dezembru presiza tan pur-volta vial-200, tanba sidadaun hamutuk na'in-12,968 mak seidauk simu vasina doze dahuluk.

Entertantu sidadaun ne'ebé simu ona vasina doze dahuluk hamutuk ema na'in-60,349 ho pursentu 82 no doze daruak ema na'in-42,333 ho pursentu 57. (*)