Login to your account

Username *
Password *
Remember Me

KHUNTO Hakarak Governu Kontinua Programa Sesta Bázika

Xefe Bankada Kmanek Haburas Unidade Timor Oan, Olinda Guterres. Xefe Bankada Kmanek Haburas Unidade Timor Oan, Olinda Guterres. Foto Suplay

Tempotimor (Díli)-Xefe Bankada Kmanek Haburas Unidade Timor Oan, Olinda Guterres, hakarak Governu kontinua programa Sesta Bázika, tanba lakohi povu hakilar hamlaha iha tempu Konfinnamentu Domisiliáriu Jerál.

"Kuandu Governu fó ona serka Sanitária tenke kontinua fo Sesta Bázika ba sira ne'ebé mak laiha ai-hán ba sira-nia uma laran tanba sira prezisa", dehan Olinda ba Jornalista www.tempotimor.com, segunda (30/08).

Tanba orsamentu ba Programa Sesta Bázika ne'e Parlamentu Nasionál aprova hotu no hein Governu nia ezekuta ba orsamentu sira ne'e.

"Ne'ebé dala ida tan bele fó serka Sanitária Konfinamentu Obrigatóriu maibé Governu tenke tau matan ba ita-nia ema sira ne'e, orsamentu ba ida ne'e ami aprova ona maibé Governu mak tenke haree povu nia moris oinsá loroloron nia tanba orsamentu ne'e ami aprova hotu ona povu labele halerik bebeik ba hahán", afirma nia.

Governu no Parlamentu Nasionál kada fulan simu osan maibé kuitadu ba povu ki'ik sira ne'ebé mak la hetan hahán loron ida dala tolu iha tempu Konfinamentu Obrigatóriu (KO).

"Hanesan Governu Parlamentu fulafulan iha hela osan mais kuitadu sira ki'ik sira ne'e, sira ba foti osan iha ne'ebé dalaruma hán de'it paun fuan ida de'it mós to'o kalan mak foin han sasoro dala ida, agora taka metin Konfinamentu ne'e sira hán saida?", haktenik nia.

Ho aplika Konfinamentu Obrigatóriu Jerál ne'e atu minimiza moras ne'ebé mak da'et maka'as iha territóriu laran tomak maibé hanoin mós povu nia sofrimentu sira iha tempu aplika regra sira ne'e.

"Ha'u haree, ha'u-nia matan kedas ha'u haree konfinamentu ne'e buat loos ida, Governu aplika konfinamentu obrigatóriu jerál atu minimiza moras delta ne'ebé mak iha Ermera, Dili nune'e ita kuandu fó ona serka Sanitária, konfinamentu obrigatóriu hanesan dadauk ne'e perigu tebetebes hodi apoiu ita-nia povu nia vida", dehan nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter