Identifikasaun ne’ebé halo ligadu ba kazu tara-an ne'ebé akontese iha Aldeia 20 Setembru, Suku Bebonuk, Postu Administrativu Dom Aleixo, Munisípiu Dili.
"Ohin ne'e halo identifikasaun de'it ba nia (laen husi matebian)”, dehan ofisial SIKN ida iha Komandu Jerál PNTL Kaikoli, segunda (17/05).
Tuir observasaun www.tempotimor.com nota, Sekretária Estadu Arte no Kultura (SEAK), Teófilio Caldas ba presta deklarasaun iha komandu jerál PNTL, hetan akompaña mós husi eskoltu na'in-4.
Entretantu, kazu tara-an ne'e, akontese iha loron domingu (16/05/2021) hodi husik hela oan na'in-4, mane 3, feto ida no inklui oan haki'ak ida.
Matebian LM tara-an hela iha uma-laran ho kondisaun ne'ebé tali iha hela kakorok no ain kona hela rai.
Hafoin, iha tuku 12:10 Otl, mate isin ne'e transporta ona ba Hospitál Nasionál Guido Valadáres (HNGV) atu submete ba autópsia. (*)
