Taur hateten, Problema la'ós prontu, problema mak, se mak lakohi mate ne'e tenke simu vasina, hakarak mate, lakohi simu vasina mós la buat ida, se mak la hatene moris di'ak liu mate.

"Ha'u hakarak moris entaun ha'u tenke simu vasina, ne'ebé ema hotu ne'ebé hakarak moris ne'e vasina iha ne'e simu, ida ne'ebé mak lakohi hakarak mate lalais ne'e bele ba uluk", dehan Taur ba jornalista sira iha Palásiu Prezidensiál, Bairu-Pité, Dili, kinta (21/1).

Taur hatete, Ministériu Saúde tenta planea, hein iha tempu badak sira haree iha posibilidade atu halo ida-ne'e.

"Informasaun ne'ebé daudaun ne'e ha'u iha, planea para atu ba Oekusi pois mak neineik ba iha parte fronteira tenki halo mos iha Dili laran", Taur informa.

Taur haktuir, dalabarak ema hanoin hanesan ne'e, bosok maibé haree didi'ak ne'e besik los ita, iha Kupan iha Atambua aumenta maka'as, entaun se la koopera sei prezudika ita hotu

"Ha'u hanoin tenke koopera, ita boot sira hatene, ita tempu agora ne'e sei halo tán estensaun ba dala sanulu", Taur hateten.

Iha parte seluk, PR Lú Olo husu nafatin governu tau matan ba fronteira, taka fronteira no sensibiliza sidadaun sira atu tuir regra ne'ebé mak Ministériu Saúde hasai ne'e.(*)