Tuir informasaun ne’ebé www.tempotimor.com asesu iha pájina Palásiu Sinza, segunda (04/07) katak, inundasaun ne'ebé akontese iha Suai vila, loron kinta (30/06) ne'ebé rezulta bee tama fasilidade saúde no komunidade sira-nia hela fatin inklui mós edifísiu prizionál Suai nian.

Ministra Odete observa fasilidade saúde, hamutuk ho ekipa hala'o mós vizita ba guarda prizionál no prizioneiru sira iha Suai vila.

“Infelizmente maluk prizioneiru sira afetadu hela ho inundasaun ne'ebé akontese, ami mai iha ne'e koko atu ko'alia ba malu, pelumenus hakmaan netik sira-nia terus, nu'udar membru Governu entaun ha'u-nia prezensa iha ne'e bele ajuda sira atubele jestaun ne'ebé mak di'ak ba sira para atubele hadi'a situasaun ida-ne'e. Iha parte seluk ita bele aprezenta mós ba Ministériu Obras Publikas”, hatete Ministra Odete.

Hafoin vizita akompaña husi ekipa SIJK hala'o kampaña vasina Covid-19 Booster ba Diretór Prizionál no prizioneiru sira iha fatin refere. (*)