"Iha proposta alterasaun iha proposta ualu ke pasa hotu, entaun totál artigu hamutuk  agora la'os de'it ona 78 mais agora iha 86, tanba iha proposta ualu aprovadu e depois aumenta ho artigu balu ne'ebe aprovadu hamutuk 78, ate 86 artigu ne'ebe ita aprovadu”, dehan Prezidente Komisaun F, Noe da Silva "Buka Tuir" ba www.tempotimor.com iha Parlamentu Nasionál (PN), segunda (25/10).

Ho diskusaun no aprovasaun kada artigu iha projetu lei PLJP, komisaun F tenta atu finaliza iha semana ne'e, maibé la konsege tanba Parlamentu Nasionál iha hela prosesu atu hala'o audénsia públika ba Proposta-Lei Orsamentu Jerál Estadu (OJE) tinan fiskál 2022.

Tanba ne'e, Projetu Lei Protesaun Labarik no Joven iha perigu hela artigu 20-resin maske seidauk hetan aprovasaun, maibé komisaun F deside adia diskusaun tanba komisaun F sente katak tempu la sufisiénte ona atu kontinua halo diskusaun.

"Se orsamentu ne'e audénsua hotu ona, depois ami haree tok tempu, posibilidade sei bele kontinua para diskusaun ida ne'e mak ami foin bele kontinua. Artigu 20 ital ne'ebé mak sei iha kuandu aprovasaun, ita purvolta maizumenus atinje 120 ital artigu”, afirma nia. (*)