MJ Diskrima Hela Sertidaun Kazamentu Husi Kristaun Protestante

Prezidente Igreja Evanjélica Assembleia de Deus Timor-Leste, pastor Francisco dos Reis. Prezidente Igreja Evanjélica Assembleia de Deus Timor-Leste, pastor Francisco dos Reis. Foto Tempo Timor

Tempotimor (Díli)-Prezidente Igreja Evanjélica Assembleia de Deus Timor-Leste, pastor Francisco dos Reis hatete, Ministériu Justisa (MJ) diskrimina hela sertidaun kazamentu husi kristaun protestante.

"Ministériu Justisa halo faktu diskriminasaun mak la aseita protestante nia modalidade sertidaun kazamentu ne'e faktu diskriminasaun momoos”, dehan nia ba jornalista www.tempotimor.com iha nia rezidénsia Balide, Domingu (03/10).

Tanba difikulta dokumentu Kristaun protestante sira atu halo trata dokumentu bainhira sira hakarak la'o ba nasaun sira iha Inglaterra no Irlándia.

"Halo hanesan ne'e halo diskrimanasaun ba nonkristaun Katólika, atu ba karik sira tenke sakrifika sira-nia fiar, sira tenke hipókrita oituan muda relijiaun, atu ba mak fiar fali ne'e la di'ak”, afirma nia.

Kazu diskriminasaun ne'e líder relijiosu sira halo ona enkontru ho parte Jurídiku ida iha Ministériu Justisa nian.

"Agora ita-nia sertidaun ne'ebé prosesu iha notariadu la aseita, la rekoñese ita-nia modalidade mak sertidaun kazamentu de'it, ne'ebé prosesu hela kazu ne'e husi parte PDHJ (Provedoria dos Direitos Humanos e Justica) no institutu parte Jurídiku ida ne'ebé lidera husi señora Ana Marçal, nia halo enkontru ho líder reliziosu sira hodi ko'alia kazu ida ne'e”, hatete nia.

Nune'e Reprezentante Povu iha Uma fukun Parlamentu Nasionál liu liu Komisaun "F" ne'ebé trata assuntu saúde, seguransa sosiál no igualdade jéneru halo ona levantamentu atu hadi’a sistema lei diskrimanasaun.

"Entaun sira lori assuntu ne'e ba Parlamentu Nasionál Komisaun F konsidera ona señór deputadu Joaquim mak levanta kazu ne'e sai ona iha jornál sira konsidera ona sei halo revizaun ba lei ne'e tanba lei ne'e la di'ak tanba lei inan fó liberdade lei oan  halo diskriminasaun fali”, esplika nia.

Maibé to'o oras ne'e prosesu kontinuasaun husi Ministériu Justisaun la'o oinsá www.tempotimor.com seidauk konfirma parte kompetente hanesan Ministériu Justisa (MJ), Ministériu Negósiu Estranjeiru no Kooperasaun (MNEK) no parte relevante sira seluk. (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter