Ministériu públiku ne'ebé reprezenta husi Prokuradór Domingos Barreto akuza arguidu ba krime rua, arma branka lei númeru 5/2017 no krime omisídiu agravadu ne'ebé previstu iha artigu 139 kódigu penál Timor-Leste nian.
Nune'e iha alegasaun finál, Prokuradór titulár husu ba Tribunál atu aplika medida koasaun prizaun preventiva ba arguidu ho akuza bazeia ba krime rua no ameasa pena prizaun tinan lima (5) ba leten.
Ministériu Públiku husu tribunál aplika medida koasaun prizaun preventiva tanba faktu arguidu lori sasán kro'at hodi tá lezada iha perte kelen, kabaas, liman no inus.
Enkuantu, husi parte Defensór Públiku Rui Guterres, ne'ebé fó asisténsia legál ba FAB, husu ba Tribunál atu aplika Termu Identidade Rezidénsia (TIR).
Entertantu iha prosesu audiénsia julgamentu ba kazu refere prezide husi juis singulár, Maria Solana.
Kazu FAB tá nia feen ho insiál D akontese iha Surikmas, Suku Manleuana, Postu Admistrativu Dom Aleixo, Munisípiu Dili, sesta (05/02) maizumenus entre oras 04:45 to'o oras 08:15 ne'ebé rezulta vítima D kanek todan iha parte inus, liman, kelen no kabaas.(*)
