“E depois ba futuru, iha debate espesialidade ne'e eselénsia Ministru ho hakraik-an iha uma fukun ida-ne'e ha'u atu hatete kedan, kuandu komisaun sira konvida, favor ida ita-boot sira respeitu netik ba ami-nia konvite, sé la mai favór ida kompriende ita-nia komunikasaun”, dehan nia iha Plenária PN, kinta (07/07).
Iha debate projetu lei kódiku diretu autór semana hira liubá, Komisaun G mós haruka karta ida ba Ministru Justisa, hodi husu hato'o pareser ida liga ho projetu lei refere maibé iha audénsia Komisaun, ne'e Minitru Justisa la marka prezensa.
“Ha'u haruka asesór telefone ba ita-boot nia vise ministru, telefone ba ita-boot nia asesór dehan katak ita-boot despaisu karta ida ba departamentu ida trata asuntu jurídisaun, maibé hein ba hein to'o ami la hetan liafuan ida husi Ministériu da Justisa (MJ)”, afirma nia.
Tanba ne'e komisaun G aproveita plenária estraordináriu fó hatene hela ba Ministru Justisa katak kódiku ba diretu autór ida-ne'e importante ba nasaun tanbe ne'e husu atu Ministru Justisa haruka paresér mai Komisaun G. (*)