“Bazeia ba rezultadu monitorizasaun Belun nia iha tinan 2021 to’o mai agora, ami deteta monitoriza Violénsia ne'ebé akontese iha komunidade ho tipu violénsia oioin, violénsia Domestika, violénsia bazeia ba jéneru,
dadus ba disputa rai nomós dadus envolvimentu joven Grupu Arte Marsiál (GAM), Arte Rituál sira, ne'ebé mak akontese iha Munisípiu sira, ne'ebé ami kobertura ba”, informaDdiretór Luis, iha Salaun CNC, Balide, kuarta (23/02).
Nune'e númeru persentajen ne'ebé mak ONG Belun halo analiza iha ne'ebá, númeru boot liu mak disputa rai, ne'ebé mak akontese iha Munisípiu Baukau, Dili, Ainaru nomós Covalima.
Tuir fali Violénsia Domestika ne'ebé mak sai hanesan preokupasaun sosiedade nia nafatin, inklui mós insidente sira seluk hanesan konflitu Violénsia entre Grupu sira, asalta malu no baku malu.
“Entaun meiu ba prevensaun konflitu ne'e, dala barak ami responde ba iha inisiativa komunidade rasik, hanesan kazu ligadu ba seguransa ba movimentu Grupu sira-nia ami refere hamutuk ho Sekretáriu Estadu Juventude Desportu nomós Polisia Nasionál Timor-Leste (PNTL) oinsá mak disemina informasaun ba públiku, liuhusi diálogo komunitária”, esplika nia. (*)
