Pasiénte Covid-19 Iha Ermera La Koopera , PNTL Sei Foti Asaun

Komanante Polisia Nasional Timor-Leste (PNTL) Munisìpiu Ermera, Superintendente, Ludgerio Madeira P. Lay Komanante Polisia Nasional Timor-Leste (PNTL) Munisìpiu Ermera, Superintendente, Ludgerio Madeira P. Lay Foto Tempo Timor

Tempotimor (Ermera)- Komanante Polisia Nasional Timor-Leste (PNTL) Munisìpiu Ermera, Superintendente, Ludgerio Madeira P. Lay hatete, sira prontu apoiu pesoál saúde hodi foti asaun ba pasiénte Covid-19 na’in-21 ne’ebé la kooper ba sala izolamentu.

Tuir rezultadu teste SWAB ne'ebé hatudu iha ema na'in-21 mak hetan moras Covid-19, iha Munisípiu Ermera, maibé sira ho ulun tós hodi hela iha uma ho família sira, lakohi koopera ho parte saúde atu ba tama izolamentu, tanba la fiar rezultadu pozitivu.

Pasiénte Covid-19 na'in-21 iha Munisípiu Ermera, lakohi koopera ho pesoál Saùde, maibé parte autóridade seguransa, no ekipa saúde kontinua esforsu hodi evakua ema hirak ne'e ba izolamentu iha tempu badak.

Bainhira pasiénte hirak ne'e mak lakohi koopera nafatin mak, autóridade seguransa sei la tolera ona, no sei foti asaun disiplinar balu ba sira.

"Ami sei apoiu tótal ba saúde para obriga pasiénte sira hodi mai tama sala izolamentu, tanba ita hotu hatene, kazu ne'e, sira ne'ebè la koopera mak hodi Covid-19 mai Ermera, tanbasá sira lakoi koopera. Tanba ne'e ami la tolera ba hahalok sira hanesan ne'e, nune'e ami sei foti asaun bainhira sira nafatin la koopera”, dehan nia ba www tempotimor.com iha kna'ar fatin Gleno, Sesta (23/04).

Nune'e mós, Diretór Saúde Munisìpiu Ermera, António de Deus Fatima, rekoñese iha pasiénte Covid-19 na'in-21 mak la koopera ho atu tama sala izolamentu.

"Tanba ne'e, ekipa saùde nafatin esforsu servisu hamutuk ho Autóridade sira inklui PNTL no F-FDTL iha tempu badak sei foti pasiénte hirak ne'e ba izolamentu", dehan nia.

Pasiente Covid-19 na'in-21 ne'e, daudaun ida-idak hela de'it iha uma, seidauk ba izolamentu, tanba sira-nia parte lakohi koopera. (*)

Rate this item
(0 votes)
Last modified on Saturday, 24 April 2021 21:13
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter