Taur Matan Ruak

Ministru Justisa, Manuel Cárceres da Costa iha visita ida ba fatin prosesamentu Passaporte nian iha Dili, iha tempo ruma kotuk

Menus Ezekusaun, Cárceres Simu Kua Osan MJ

December 20, 2019

MJ Carceres "Osan Menus Tuir Kapasidade Di'ak Liu"

Tempotimor (Dili)- Ezekusaun menus, Ministeiru Justica nia osan kua nune'e duni iha Orsamentu Jerál Estadu tinan fiskál 2020 ne'ebé prevé miliaun $19 ba Ministériu Justisa ne'e di'ak liu, tanba tuir kapasidede ministru nian.

"Redusaun ne'e razoavél teb-tebes, ha'u simu, tanba ita tau osan boboot mais laiha kapasidade ezekusaun mós hanesan de'it, di'ak liu tau osan naton ho ita nia forsa para ezekuta di'ak liu. Tanba osan ne'e la'os ba gasta de'it maibé gasta ba saida," dehan Ministru Justisa (MJ) Manuel Cárceres da Costa iha Palásiu Governu, Kinta (19/12/19)

Governante ne'e relata, orsamentu tinan 2019 atinji milliaun $21, maibé iha 2020 MJ hetan de'it milliaun $19, tanba liga ba kapasidade ezekusaun.

"Orsamentu tinan kotuk (2019) ba MJ ne'e milliaun $21 no tinan fiskál 2020 iha de'it milliaun $19, maibé laiha diferensa boot inklui la afeita ba programa sira iha 2020 nian, naran katak ita hatene gasta no hatene halo saida," afirma Cárceres

Maske kua orsamentu maibe tuir Ministru Justica katak sei la afeta programa prioridade iha MJ ba tinan 2020, tan ba MJ sei kontinua halo kapasitasaun ba majistradu judisiáriu sira, hodi sai juiz, sai prokuradór, advogadu no defensór publiku ne'ebé di'ak. Nia mos akresenta planu avansu ida mak tinan oin, MJ sei implementa planu emiisaun passaporte iha munísipiu ida-idak.

Politika

Ideia Horta (parte 3), Problema AMP: Falta Konsulta-malu

December 20, 2019

Tempotimor (Dili)-Desizaun Prezidente Repúblika Francisco Guterres Lu Olo hodi la fó posse ba membru governu na’in sia (9) ne’ebé maioria mai husi partidu CNRT, neineik-neineik hamosu “problema”. La’os de’it entre bloku Aliansa Mudansa ba Progresu (AMP) ho Xefe Estadu maibé mós iha interna AMP rasik.

Politika

Agio Pereira Sei Subtitui PM Taur

December 19, 2019

Hahu loron 20 fulan Dezembro 2019 ate 06 de Janeiru 2020, Agio Pereira sei sai Primeiru Ministru Interinu wainhira PM Taur Matan Ruak foti nia licensa anual.

Husi sorin karuk ba liman los, eis Prezidente da Republika (2007-2012) Dr. Jose Ramos Horta, Atual PR, Francisco Guterres Lu Olo, Eis PR (2012-2017) Taur Matan Ruak, eis PR (2002-2007) Xanana Gusmao no eis PM (2002-2006) Mari Alkatiri foto hamutuk iha eventu ida iha palasiu do Governu iha tinan 2013

Politika

Ideia Horta (parte 2), Xanana ne’ebé Hahú Frustasi ho Lideransa PM Taur

December 19, 2019

Tempotimor (Dili)-Maske durante ne’e eis Primeiru Ministru no lider boot partidu CNRT Kay Rala Xanana Gusmão sei hatudu nafatin ninia “jeitu” hanesan la preokupa ho kondisaun ne’ebé governu Aliansa Mudansa ba Progresu (AMP) hasoru daudauk, maibé iha hanoin balun ne’ebé hatete katak Xanana sente frustradu tebes.

SEPS, Alexandrino Xavier de Araujo ko'alia hela ba Midia hafoin Konsello dos Ministru aprova OJE 2020 hodi haruka fila hikas ba PN, Dili (19/11)

Politika

OJE Ba SEPS Redús, Hanaruk Terus Vítima Inséndiu

December 19, 2019

Tempotimor (Dili) – Orsamentu Jerál Estadu (OJE) 2020 ba Sekretáriu Estadu Protesaun Sivíl (SEPS), ne'ebé redús fó impaktu ba vítima inséndiu no dezastre naturais, hamutuk 5.600 iha munisípiu Aileu, Bobonaro, Likisa no Ermera. To'o agora, vítima hirak ne'e seidauk hetan apoiu umanitariu.

Ohin, OJE 2020 Submete Ba PN Ho Montante Billaun $ 1.668

December 19, 2019

Tempotimor (Dili) – Konsellu Ministru, Kinta (19/12/19) dadeer, aprova ona proposta lei ba Orsamentu Jerál Estadu (OJE) 2020 ho montante billaun $ 1.668. Tuir planu, proposta OJE 2020 ne'e, sei submete filafali ba Parlamentu Nasionál, ohin parte lokraik.

Opiniaun

LAIHA DALAN LEGÁL ATU GOVERNU HATAMA FALI OJE 2020 BA PN

December 18, 2019

Normalmente, governu hatama Orsamentu Jerál Estadu (OJE) ba Parlamentu Nasionàl (PN) liu hosi lei OGF artigu 30° no. 1 (Loron hatama mak loron 15 fulan-Outubru) no Regimentu PN artigu 162° ( loron hatama mak loron 15 fulan-Outubru). Katak, governu lori OJE ba PN nia dalan mak Lei OGF artigu 30° no. 1 no PN simu OJE hosi governu nia dalan mak Rejimentu PN artigu 162°. Hosi loron 15 fulan-Outubru ne'e mak sura loron 60 (artigu 86 aliña f). Signifika OJE 2020 hosi VIII governu ba PN hatama tuir duni dalan (maske hatama duni iha loron 16 fulan-Outubru, atraza loron ida, PN sei hakarak tolera). Maibé, governu retira fali tiha OJE 2020 ne'e iha loron 3 fulan-Dezembru 2019 mós liu duni hosi dalan mak artigu 95° no. 2 Rejimentu PN. Retira iha dalan no liu-hosi dalan duni.

Ministru Prezidensia do Konsello Ministru, Agio Pereira

Politika

Aban, KM Aprova OJE 2020

December 18, 2019

Tempotimor (Dili) – Ministru Prezidensia Konsellu Ministru (MPKM), Agio Pereira informa, Kinta (19/12/19) aban maizumenus tuku 10.00 dadeersan, Konsellu Ministru (KM) sei aprova tan OJE 2020, ne'ebé nia dehan, governu halo ona redusaun.

Politika

MOP Altera Kontratu Ho Kompañia China

December 18, 2019

Tempotimor (Dili) – Governu liuhusi reuniaun Konsellu Ministru (KM) aprova proposta deliberasaun husi Ministru Obras Públika (MOP), kona-ba alterasaun kontratu ho kompaña China Wu Yi Co.Ltd hodi halo reabilitasaun ba estrada iha sidade Dili.

Edukasaun & Kultura

MESSK Sei Asina Kooperasaun Ho Universidade Iha Portugal

December 18, 2019

Tempotimor (Dili) – Konsellu Ministru (KM), Kinta (18/12/19) aprova proposta Ministru Ensinu Superiór Siénsia no Kultura (MESSK), ne'ebé sei halo asina akordu kooperasaun ho universidade lima husi Portugál no ida husi Tailándia.

"Asinatura protokolu koperasaun entre Ministru Ensinu Superior Siénsia no Kultura no Universidade Portugal maka hanesan; Universidade Minho, Porto, Evora, Algarve no lnstitutu Politékniku Porto no Universidade Walailak hosi Tailándia. Univesidade hirak ne'e sei simu estudante bolseiru timoroan sira," informa Ministru Prezidensia Konsellu Ministru (MPKM), Agio Pereira iha Palásiu Governu, Kuarta (18/12/19).

Nia dehan, objetivu husi asinatura akordu ne’e atu operasionaliza pagamentu ba universidade sira no koordena oinsá progresu kona-ba estudu estudante sira nian iha ne'ebá," dehan Agio.

Alende husu aprovasaun Konsellu Ministtu nian ba akordu kooperasaun ne'e, KM mós aprova dekretu husi Ministra Edukasaun Juventude no Desportu (MEDJ), kona-ba atribuisaun distinsaun ba edukadór sira.

"KM aprova Dekretu Governu ne’ebé aprezenta hosi Ministra Edukasaun, Juventude no Desportu, Dulce de Jesus Soares, kona-ba atribuisaun distinsaun ba edukadór infánsia sira, dosente no dirijente sira iha estabelesimentu eskola nian," tenik Agio.

Distinsaun ida-ne’e fó, hodi rekoñese importánsia husi servisu ne’ebé dosente no dirijente sira dezenpeña enkuantu nu'udar fatór motivasaun no insentivu hodI promove edukasaun ida ho kualidade.