Login to your account

Username *
Password *
Remember Me

OJE Ba SEPS Redús, Hanaruk Terus Vítima Inséndiu 

SEPS, Alexandrino Xavier de Araujo ko'alia hela ba Midia hafoin Konsello dos Ministru aprova OJE 2020 hodi haruka fila hikas ba PN, Dili (19/11) SEPS, Alexandrino Xavier de Araujo ko'alia hela ba Midia hafoin Konsello dos Ministru aprova OJE 2020 hodi haruka fila hikas ba PN, Dili (19/11) Foto tempotimor.com
Tempotimor (Dili) – Orsamentu Jerál Estadu (OJE) 2020 ba Sekretáriu Estadu Protesaun Sivíl (SEPS), ne'ebé redús fó impaktu ba vítima inséndiu no dezastre naturais, hamutuk 5.600 iha munisípiu Aileu, Bobonaro, Likisa no Ermera. To'o agora, vítima hirak ne'e seidauk hetan apoiu umanitariu.  
 
“Ita presiza atu apoiu. Maibé, OJE 2020 ba SEPS redús husi millaun $ 15 ba millaun $ 3 fó afeta ba ajuda umanitariu. Tanba, redús osan, redús mós atividade balu,” informa SEPS, Alexandrino Xavier de Araújo, hafoin hasoru PM Taur Matan Ruak iha Palásiu Governu, Kinta (19/12/19).
 
“To'o agora, dadus kona-ba dezastre naturais balu tama ona i balu seidauk. Sistema orsamentu mós taka ona. Oinsá ita atu rezolve problema," Alexandrino dehan.
 
Nia informa, ohin dia 19 Dezembru membru governu nain 4 sei ba fatin afeitadu, hodi haree liu ba akontesimentu ne'ebé emergensia iha Aileu, Likisa, Ermera no Bobonaru.
 
"Ohin, ha'u ba Aileu,  Ministra Solidariedade Sosial Inkluzaun (MSSI) ba Ermera, Vise Ministra Solidariedade Sosial Inkluzaun ba Likisa no Vise Ministra Estatal ba Bobonaru," Alexandrino tenik.
 
Maski iha redusaun OJE 2020 ba SEPS, Alexandrino espera nia sei kontaktu nafatin ho Primeiru Ministru Taur Matan Ruak, atu bele aloka orsamentu rezerva ruma ou kontizensia balu hodi apoiu vítima inséndiu no dezastre naturais.
Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter