Tempotimor (Dili)-Ministru Obras Públikas (MOP), Salvador dos Reis Pires, asina ona kontratu ho kompaña sira hodi halo reabilitasaun estrada iha Munisípiu lima.

Tempotimor (Díli)-Votante sira husi munisípiu parte leste hanesan Manatutu, Baukau, Lautein no Vikeké dadaun ne’e komesa hadau malu transporte públiku (bus) hodi bele ba ezerse direitu votu iha munisípiu tuir jeografia Kartaun Eleitorál, loron sábadu (19/03).

Tempotimor (Dili)-Ministru Finansas (MF), Rui Augosto Gomes hatete, taxa ezekusaun orsamentu jerál Estadu (OJE) 2021 iha nível minisípiu hatudu progresu ne’ebé di’ak.

Tempotimor (Díli)-Konsellu Ministru (KM) deside aprova ona projetu rezolusaun Governu hodi mantein aplika Serka Sanitária (SS) iha Munisípiu Baukau, Bobonaro, Covalima no Díli haat.

Tempotimor (Dili)-Ministru Asuntu Parlamentar no Komunikasaun Sosial (MAPKomS), Francisco Martins Jerónimo, despede Jornalista husi Ajénsia Notisioza Timor-Leste (Tatoli.IP) na’in-5 hodi husik ba Munisípiu.

Tanba jornalista ne’ebé despede atu destaka ba Munisípiu lima (5) hanesan Baukau, RAEOA, Vikeké, Covalima no Bobonaro atu promove informasaun lokál sira ne'ebé mak serve ba interese komún.

Ho situasaun despedida ne’e akontese iha fatin barak bainhira hasoru malu iha mós tempu atu fahe malu tanba servisu.

“Di'ak ka la di'ak ida ne'e mak situasaun real maibé ha'u fiar katak imi na’in-5 simu servisu ne'e ho kontente no simu ho responsabilidade, parabéns boa viajen no susesu nafatin ho ita-boot sira nia kareira”, dehan Ministru Francisco iha edifísiu Tatoli.Ip, kinta (27/05).

Maibé husu atu servisu ho di'ak fó kontribuisaun ne'ebé di'ak liu ba ajensia, no lori informasaun hodi habelar ba komunidade.

"Se ita hakarak dezenvolve ita-nia an, ita iha sentimentu tenke baku ba rasasinu katak servisu ne'e importante, tanba ho servisu ida ne'e fó vida ba ita atu hala'o ita-nia kna’ar ba lorloron nomós mehi ba aban bairua, ita lalika simu ho triste maibé tenke simu ho kontente”, dehan ina.

Prezidente Tatoli.IP, Manuel Pinto hatete, husik jornalista ba Munisípiu nu'udar parte ida husi dezentralizasaun informasaun ina baze.

“Ami realiza seminar ida ho tema promove informasaun lokál ba interese komún nia, razaun halo seminar ne'e tanba iha jornada ajénsia notísia Tatoli ninia foin primeiravez ami destaka jornalista na’in-5 ba Munisípiu lima”, dehan Manuel.

Entretantu, tuir númeru vaga ne'ebé fó sai ina Tatoli,IP hamutuk 23 no na’iin-lima destaka ba munisípiu no sira seluk sei servisu iha nasionál. (*)