Tuir observasaun www.tempotimor.com iha terminal Bekora nota katak, populasaun sira hahú hadau malu transporte hodi halo viajen ba Baukau, tanba ema barak mak desloka dadaun ba munisípiu hodi tuir votasaun.
Ba pasajeiru siira ne’ebé hadau malu transporte, maske durante ne’e transporte husi diresaun Dili ba munisípiu parte leste iha barak, maibé tempu eleisaun la konsege atende hodi tula pasajeiru, tanaba ne’e pasajeiru balun deside hodi hamriik iha laran no balun tur iha kapon leten.
Pasajeiru Domingas Freitas ne'ebé halo viajen ba Munisípiu Baukau hatete, bainhira halo viajen ba foho mak karreta ema sena malu hela de'it no laiha espasu atubele ba munisípiu hodi tuir votasaun.
“Ami ba vota, se la’e ami-nia suara lakon, se ema barak liu mak sena malu ne'e ha'u la bá ona”, dehan nia bá www.tempotimor.com iha terminál Bekora, kinta (17/03).
Tuir data ne'ebé fó sai ona katak, sidadaun hothotu bele ezerse nia direitu hodi ba vota tuir ida-idak nia jeografia tuir kartaun eleitorál iha loron 19 fulan-marsu, tanba ne'e loron 16 to'o loron 18 fulan-marsu sidadaun ne'ebé ba tuir eleisaun sei hadau malu transporte ba Munisípiu. (*)