Tempotimor (Dili)-Deputadu Bankada Congresso Nacionál de Reconstrução de Timor (CNRT) iha Parlamentu Nasionál (PN), Domingos de Carvalho hatete, kona-ba Vise Prezidente Partidu, CNRT Gil Monteiro ‘Oan Soru’ ne'ebé okupa hela kargu Sekretáriu Estadu ba Asuntu Antigu Kombatente Libertasaun Nasionál no Veteranu, iha Governu daualu ida ne'e depende ba Primeiru Ministru (PM), Taur Matan Ruak, atu hasai desizaun ikus kona-ba ezonerasaun.

“Ne'ebé kompeténsia Primeiru Ministru, atu hakarak hasai yeah hasai, tanba Oan Soru mós foin dadauk sai membru estrutura partidu CNRT iha nivél nasionál ninian, hanesan primeiru vise prezidente tuir kedas Maun Boot Xanana, ne'ebé kompeténsia iha Primeiru Ministru”, dehan nia ba www.tempotimor.com iha Plenária Parlamentu Nasionál, tersa (22/02).

Maibé CNRT hakarak dehan de'i katak Sekretáriu Estadu ba Asuntu Antigu Kombatente Libertasaun Nasionál no Veteranu, Gil da Costa Monteiro “Oan Soru”, sei iha Governu ida ne'e nia laran tanba foin dadauk mak nia retoma ninia pozisaun hodi taka Primeiru Vise Prezidente partidu CNRT, Saudozu Mahuno Bulerek Karatyanao ne'ebe mak fila hikas ona mundu seluk.

“Entaun nia iha ne'ebá atu substitui de'it ida ne'e maibé desizaun ida ikus atu hasai ka la hasai ne'e kompeténsia Governu nian”, dehan nia.

Tanba ne'e, se karik primeiru ministru hakarak Kompaneru Gil Oan Soru mantein bele mantein nafatin, maibé nu’udar bankada CNRT sei mantein sai opozisaun ba Governu.

“Mais ami iha Parlamentu, iha Governu, ami ne'e opozisaun, ami la submete ba desizaun ruma ke Governu ninian ne'e, kuandu ami haree ba loos ami apoiu, e kuandu ida laloos nian ne'e ami krítika”, dehan nia.

Kona-ba koligasaun Aliansa Mudansa ba Progressu (AMP) ne'ebé uluk forma husi partidu CNRT, PLP ho KHUNTO hodi forma Governu, ida ne'e CNRT retira ona tanba ho orsamentu ne'ebé sumba iha PN.

Ho ida ne'e, CNRT agora dadauk sai hanesan opozisaun iha parlamentu maibé opozisaun ida ho konstrutivu atu hadi'a la'ós atu destroi la'e. (*)

Tempotimor (Dili)-Governu liuhusi Sekretáriu Estadu no Kombatente Libertasaun Nasionál (SEKLN) ameasa hapara vensimentu (pensaun) ba veteranu na'in-rua, tanba hakat Ilegál husi fronteira Timor-Leste ba Indonézia hodi kontra seguransa Estadu.

Tempotimor (Dili)-Ministériu Asuntu Kombatente no Libretasaun Nasionál (MALKN) liuhusi Sekretáriu Estadu Konbatente Libertasaun Nasionál (SEKLN) deside kansela vensimentu (pensaun) ba veteranu hamutuk atushaat-sanulu-resin-neen (416) tanba deskonfia falsifika dokumentu husi inan-aman rua.