Deskonfia Falsifika Dokumentu, SEKLN Kansela Vensimentu ba Veteranu 416

Sekretáriu Estadu Konbatente Libertasaun Nasionál (SEKLN), Gil Monteiro "Oan Soru". Sekretáriu Estadu Konbatente Libertasaun Nasionál (SEKLN), Gil Monteiro "Oan Soru". Foto Suplay

Tempotimor (Dili)-Ministériu Asuntu Kombatente no Libretasaun Nasionál (MALKN) liuhusi Sekretáriu Estadu Konbatente Libertasaun Nasionál (SEKLN) deside kansela vensimentu (pensaun) ba veteranu hamutuk atushaat-sanulu-resin-neen (416) tanba deskonfia falsifika dokumentu husi inan-aman rua.

"Tinan 2020, iha atividade fulan ida de'it, ami konsege deteta ema 416, no ninia osan ami taka hotu, tanba iha inan rua, aman rua”, dehan Sekretáriu Estadu Konbatente Libertasaun Nasionál (SEKLN), Gil Monteiro "Oan Soru", hafoin partisipa seremónia Inaugurasaun Uma Veteranu Filipe Belo "Rai Lakan" iha Metinaru, sábadu (11/09).

Govenru deklara inan-rua ho aman-rua tanba Inan ida ho aman ida hahoris ne'e, sira mai ho sertidaun orijinál ida ne’ebé uluk, maibé ida ne’ebé la’ós sira-nian inan ho ama, sira halo falsifika ba osan tanba nia ba buka hatene no muda matebian sira-nia sertidaun iha fatin ne'ebé de'it, depende sira ba kaer toman, ikus mai sira hodi hetan benifisiu.

Maske, Governu deside taka ona sira-nia vensimentu (osan) maibé to'o agora ida la ba edifísiu SKLN atu presta deklarasaun ruma.

"Tanba de'it osan ita bele nega ita-nia inan ho aman ida ne’ebé hahoris hodi rán haris, mais tanba de'it osan ita ba sai inan no aman derepente ba ida ne'ebé nunka lori ita-nia rán hariis”, dehan nia.

Ho ida ne'e, apela ba Prezidente Konsellu Munisípiu Dili, no Vise Sekretáriu Zona Metinaro, nomós ba foinsa'e sira, atu hatete loloos kona-ba sira-nia partisipasaun iha prosesu luta durante tinan 24.

"Ha’u hakarak aproveita fó hela mensajen ne'e e ba alin sira foinsa'e, hothotu iha ne'e, ida ne’ebé mak partisipa hatete loloos ba, ida ne’ebé mak la'e, hatete ba malu mais labele hatudu liman no lulun faru liman ba malu, labele halo ida ne'e”, hatete nia. (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter