Tempotimor (Dili)-Bankada Kongresu Nasionál Rekonstrusaun Timor (CNRT) iha Parlamentu Nasionál (PN) konsidera governu liu-liu Ministériu Saúde (MS) halo injustisa boot hasoru pesoál saúde sira ne'ebé durante ne'e dedika aan hodi luta kontra pandemia Covid-19, tanba estadu emerjénsia loron 60, maibé governu apoiu de'it subsídiu loron 37 nian.

Tempotimor (Dili)-Tuir dadus husi Ministériu Saúde (MS) daudauk ne’e kazu dengue iha Timor-Leste sa’e ona ba rihun 1 resin.

Ministra Saude Odete Maria Freitas Belo hatete, durante ne’e governu hotu-hotu, inklui Timor-Leste preokupa maka’as liu ba pandemia Virus Corona Deasses 2019 (Covid-19) no haluha moras dengue ne’ebé fó mós ameasa maka’as.

"Surtu dengue ne'ebé mak iha, ita hanoin tanba de’it ho Covid-19 haluha tiha moras seluk ne'ebé akontese, la'os surtu dengue de’it, iha mos moras seluk kontasiozu ne'ebé akontese ema mate. Dadus ema mate ba surtu dengue na’in 10 nafatin, kazu mak 1000 ital," dehan nia  ba jornalista sira iha palsiu governu, Segunda (22/06).

Atu prevene no kombate moras dengue, nia dehan, pessoal saude sira kontinua halo asaun, liu husi fahe informasaun ba familia sira atu hamoos uma laran no bee ne'ebé nalihun.

“Ne'e imformasaun simples ida ne'ebé familia sira tenke halo, iha fatin seluk sira mós tau aimoruk abate ba bee laran hodi hamate larva iha bee laran.”

Kona-ba informasaun katak aimoruk stok aimoruk ba dengue iha SAMES laiha ona, Ministra ne’e hatete, aimoruk abate iha SAMES laiha ona tanba distribui hotu ona ba munisipiu sira.

Tempotimor (Dili)-Iha tempu badak nia laran Instituto Nasionál Seguransa Sosial (INSS) sei halo pagamentu subsidiu porsentu 60 ba kompaña 610 ne’ebé liu husi prosesu verifikasaun.

Tempotimor (Dili)- Ministru Prezidénsia Konsellu Ministru (MPKM), Fidelis Manuel Leite Magalhães hateten, bainhira situasaun iha Timor-Leste la'o normál, maka, governu sei la estende tan Estadu Emerjénsia (EE).

Tempotimor (Dili)-Deputadu husi bankada Partidu Demokratiku (PD) Antonio da Conceicao "Kalohan" hatete, nia parte sei buka hatene orsamentu millaun 70 ne’ebé governu aloka ba rekuperasaun ekonomia.

Tempotimor (Dili)-Vise Primeira Ministra (VPM) Armanda Berta dos Santos konsidera prosesu pagamentu subsidiu ba kada uma-kain kleur ne'e normal, importante mak benefisiariu sira hotu-hotu tenke hetan.

Tempotimor (Dili)-Parlamentu Nasionál hanoin tan ona atu hatama fila fali orsamentu rihun $500 ne’ebé aloka husi fundus Covid-19, ba kofre estadu.

Tempotimor (Dili)- Sidadaun estranjeiru na'in 11 husi Vietname no na'in rua husi Indonézia ne'ebé tama ho Ró privadu iha illa Jaco, munisípiu Lautem, iha loron 12 fulan Juñu 2020, livre husi Corona Virus (COVID-19), hafoin hetan teste laboratóriu husi Sentru Integradu Jestaun Krize (SIJK).

Klandestinamente Sidadaun 25 Kontinua Tama TL Tempotimor (Dili)-Informasaun Atuál husi Sentru Integradu Jestaun Krize (SIJK) katak, hahú husi loron 8 to’o loron 15 fulan Juñu, iha sidadaun hamutuk na’in 25 kontinua tama mai Timor-Leste (TL), husi nasaun viziñu, klandestinamente liuhusi fronteira terrestre.

"Maski governu deside ona hodi loke hikas fronteira terrestre, semana ida dala ida, iha loron kuarta durante oras rua nia laran, desde loron 2 fulan Juñu, maibé, sei iha nafatin sidadaun Timor-Leste ne’ebé klandestinamente hakat liu mai liuhusi rai maran," dehan Portavoz SIJK doutór Rui Maria de Araújo ba jornalista sira, iha sala situasaun, Segunda (15/06).

Entretantu, husi totál númeru ne’e, na'in 10 iha teritóriu Rejiaun Administrativa Espesiál Oecusse Ambeno (RAEOA) espesialemete Citrana na'in 4, Oesilo na'in 6. Alende ne’e, na'in 14 seluk husi munisipiu Bobonaro espesialmete liuhusi Memo no Tunubibi, no ema na'in 8 seluk na’in 2 tama ba Lolotoe, na’in 4 ba Batugade, no iha Munisipiu Covalima na'in 1.

PN Tenke Aseita Pedidu Governu ho Montante Millaun $286.8 Tempotimor (Dili)- Deputadu husi bankada Partidu Demokrátiku (PD), Adriano do Nascimento konsidera pedidu levantamentu estraordinariu Fundu Petrolíferu husi governu ne’e importante no urjeten, tanba ne’e, Parlamentu Nasionál tenke aseita.

"Hau hanoin ita tenke aseita malu, tana, Covid-19 mak lori impedimentu ba reseit. Nune'e, halo presu mina tun kuaze atu to’o kedan zero. Ne'e la'ós governu ida ne'e nia hakarak, maibé, ne'e impaktu no ita mós tenke aseita katak, Covid-19 ninia impaktu ba reseita doméstika kada nasaun, inklui Timor-Leste", dehan Adriano iha Parlamentu Nasionál, segunda (15/06).

Nia dehan, Timor-Leste mós tenke aseita malu, katak, impase politika ne'ebé naruk lori TL ba xumba Orsamentu Jerál Estadu (OJE) no lori ba susar finansiamentu ba mákina estadu to’o uza deit osan duadesimu. Tanba ne'e, nia fó solusaun katak, tenke foti duni osan mina nian maske reseita la iha, tanba la iha dalan no ida seluk estadu tenke hanoin duni halo intervensaun hodi rekopera ekonomia nasaun ida nian.

"Ba ha’u, urjente tanba cash iha tizouru la to'o ona millaun $200. Nune'e, kuandu governu la husu osan aumenta mak governu la tuir ona Lei. Tanba, Lei hateten, osan ne'e iha mala laran tenke millaun $200, se la to'o mak governu urjentemente mai husu Parlamentu Nasional atu halo kompletu", nia esplika.

Tanba ne’e, Adriano husu Parlamentu Nasionál labele dada naruk hodi diskute, maibé presiza aseita hodi rezolve problema ne'ebe nasaun infrenta. Entretantu, governu husu ona ba Parlamentu Nasionál atu halo levantamentu estraordinéria ba fundu petrolifeiru ho montante millaun $286.8.