Tempotimor (Dili)- Arsebispu Metropolitano Dili, Dom Virgilio do Carmo da Silva husu ba governu atu aselera lalais subsidiu ou apoiu nesesidade baziku atu povu labele halo movimentu ba mai hodi haburas da’et moras Corona Virus Disease 2019 (Covid-19) iha sosiedade nia let.

Tempotimor (Dili)- Arsebispo Metropolitanu Dili Dom Virgilio do Carmo da Silva forma ekipa ida atu apoiu ba ekipa Sentru Integradu Jestaun Krizi (SIJK) ne'ebe lidera direita husi Primeiru Ministru Taur Matan Ruak atu kombate surtu Corona Virus Desiase 2019 (Covid-19) iha Timor-Leste.

Tempotimor (Dili) – Fokupers liuhosi karta ida ba Arsebispu Dom Virgilio do Carmo da Silva, husu atu igreja Katólika buka no tau matan ba labarik sira ne'ebé sai nu'udar vitima abuzu sexuál komitidu hosi eis-padre iha Oecusse.

Organizasaun suporta feto no labarik feto ne'ebé sai hanesan vitima violensia ne'e hateten, igreja presija rona vitima sira no ajuda sira hodi ko'alia kona-ba krime ne'ebé sira hasoru.

Iha fulan Fevereiru, tempotimor.com fó sai notisia kona-ba eis padre RD ne'ebé halo abuzu sexuál ba labarik feto sira iha fatin Orfonatu Topu Honis, ne'ebé nia rasik maka harii iha Kutet, Oecusse.

RD hetan kapturasaun iha fulan Abril no agora daudaun iha hela prosesu investigasaun. Agora dadaun RD hela iha rezidénsia Kongregasaun SVD iha Maliana.

Tuir Fokupers, parte igreja Katólika hatene didi'ak katak tinan barak akontese abuzu sexuál iha fatin orfonatu, no tinan kotuk Vaticano hasai kriminozu ne’e nu'udar amu-lulik, bainhira nia konfesa ba autoridade igreja katak nia sala duni.

Fokupers husu ba Arsebispu, hodi vizita fatin orfonatu iha Oecusse ne'e, hodi hatudu nia solidariedade ba labarik sira iha fatin ne’e. “Parte kriminozu ida ne'ebé abuza nia poder nu'udar amu-lulik hodi viola labarik feto sira nia isin nune’e igreja tenki hatudu ba komunidade tomak no populasaun Katólika sira, liuliu vitima sira, katak igreja la tolera hahalok ida ne’e no sei suporta vitima sira.

ONG ida ne’e fiar katak, igreja presiza esforsu maka'as hodi  haruka mensajen ida katak sira suporta labarik sira ida ne'ebé agora daudaun no uluk moris iha orfonatu. Tanba labarik no feto klosan sira ne’e iha potensia atu sai nu'udar vitima ba abuzu sexuál. Tuir Fokupers katak igreja presiza hateten ba vitima sira ‘Imi bele ko'alia sai. Labele tauk. Ami iha ne’e atu suporta imi’.

Fokupers fiar katak suporta ida ne’e reprezenta etapa importante ida hodi hatudu katak igreja seriu hodi garante proseu justisa ba kazu ida ne’e.