Login to your account

Username *
Password *
Remember Me

Dom Virgilio 'Fiar' TL Iha Kazu Covid-19

Arse-Bispo Arkedioseze metropolitanu Dili, Dom Virgilio do Carmo da Silva SDB hato'o apello ba Timoroan sira liu husi konferensia Imprense ne'ebe halo iha nia kna'ar fatin Lesidere, dili iha loron Kuarta (30/12) Arse-Bispo Arkedioseze metropolitanu Dili, Dom Virgilio do Carmo da Silva SDB hato'o apello ba Timoroan sira liu husi konferensia Imprense ne'ebe halo iha nia kna'ar fatin Lesidere, dili iha loron Kuarta (30/12) Foto Tempo Timor

Tempotimor (Dili)- Arse-Bispo Arkedioseze metropolitanu Dili, Dom Virgilio do Carmo da Silva SDB fiar moras Covid-19 ne'ebe dadaun ne'e kona ema balun pozitivu iha Timor-Leste, tanba kazu ne'e mundial, la'os iha rai laran de'it.

Nune'e nia parte apella ba komunidade atu halo tuir orientasaun husi nai ulun sira.

"Ita iha nasaun ida nia laran wainhira ita nia na'in ulun sira fo ona mai ita regra katak, sira kaer ba faktu ruma ne'ebe hatun mai dehan katak, agora dadaun ita iha ameasa ba ida ne'e, hau hanoin diak liu ita tuir, tanba ida ne'e la'os buat ida iha Timor de'it, iha Timor tanba de'it ita nia ema sidauk mate, entaun ita nia inus kuak sei luan, maibe se ida ne'e to'o duni iha Timor, ita komesa mate, ita nia populasaun ne'ebe 1 pontu ital milloes de'it, maibe iha funu ne'e barak mate tiha ona ho meius saida mak ita bele defende ita nia an", dehan Dom Virgilio liu-husi konferensia imprensa iha rezidensia Amo Bispo bidadu lesidere, kurta (30/12). 

Amo Bispo virgilio dehan, iha nasaun seluk ema iha osan barak no ekipamentus mediku nian iha hodi halo kombate no prevene Covid-19 mos sira sei foti liman. 

"Ita to'o agora la hatene ita nia ventilador hira, eh buat ne'ebe hanaruk tan ema nia vida mos ita sei laiha hotu, entaun diak liu iha ne'e haree ba ema nia vida povu nia vida, tan ne'e mak hodi haree ba akontesimentu haree mos ba faktus ne'ebe liu dadaun akontese iha ita nia rai laran dehan katak, iha, ita kolabora nune'e labele hamosu efeitus ne'ebe boot liu tan", Bispo Diosese Dili ne’e akresenta. 

Bispo ne'e mos fo hanoin, iha Timor-Leste hakarak povu labele lakon ho moras Covid-19, tan ne'e defende husi fulan marsu mai to'o agora. 

"Agora iha mundu iha tiha ona vasina, ita pasensia tan ituan atu vasina ne'e to'o iha ita, wanhira iha ona vasina ita mos seguru liu tan, ita bok an mos lalika tauk", tenik Bispo. 

Dom Virgilio hatutan, maibe situasaun dadaun la'o hanesan ne'e, diak liu ita kolabora atu halo prevensaun ida ne'e ho masimu. 

"Realidade, tanba iha mundu ne'e hatudu, ita nia vizinu Indonesia hala'o hela dehan akontese, ne'e realidade ida ema la nega, iha timor ne'e tanba de'it dehan katak sidauk mate ne'e de'it, maibe se timor hakarak mate tiha mak ita fiar, ita sei biban atu prevene ka ita prontu atu hakoi mate de'it",  dehan nia.

Tanba, rona kona-ba moras Covid-19 ninia perigu, ne'ebe diak liu evita duke mate. 

"Ita nia ema komesa mate ona mak ita dehan agora mak ita hahu, ne'e tarde ona, ida ne'e mak nasaun sira iha europa liu-liu Italia rasik fou-foun hanesan ne'e, sira la fiar wainhira hahu mate ona mak sira bok, eh kuandu to'o tempu mate ona, ita mos tarde ona, tanba buat ne'e da'et ona iha komunidade nia let, entaun diak liu agora maske sei iha ema barak nia hanoin fiar la fiar buat ida ne'e nia let, sei joga hela buat ne'e hotu, diak liu ita tuir", Virgilio esplika. 

Tanba, importante mak salva ema nia vida, buat sira seluk husik ba kotuk lai, agora tau uluk lai ida ne'e iha oin. (*)

Rate this item
(0 votes)
Last modified on Wednesday, 30 December 2020 12:44
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter