Login to your account

Username *
Password *
Remember Me

MPO Aprezenta Ezekusaun Fundu Infraestrutura 2021 ba KM

Membru Governu sira partisipa hela reuniaun Konsellu Ministru iha Palásiu Govermu momentu balun liuba. Membru Governu sira partisipa hela reuniaun Konsellu Ministru iha Palásiu Govermu momentu balun liuba. Foto Suplay

Tempotimor (Díli)-Vise Primeiru Ministru (PM) no Ministru Planu no Ordenamentu (MPO), José Reis aprezenta rezultadu ezekusaun ba projetu sira iha Fundu Infraestrutura tinan 2021 ba Konsellu Ministru (KM).

"sira halo aprezentasaun kona-ba prosesu hotu lala'ok hotu Governu nian liliu iha kontestu, fundu infraestrutura kona-ba ezekusaun sira ne'ebé mak akontese ona durante tinan kotuk (2021) iha setór infraestrutura”, dehan Fidelis ba jornalista sira iha Palásiu Governu, kuarta (26/01).

Iha ne’e aprezenta rezultadu prinsipál sira husi jestaun no ezekusaun Fundu Infraestrutura sira Sekretariadu Grande Projetu (SGP) nian, husi servisu verifikasaun no inspesaun ne'ebé realiza husi Ajénsia Dezenvolvimentu Nasionál, I. P. (ADN), husi prosesu aprovizionamentu projetu sira fundu infraestrutura Komisaun Nasionál Aprovizionamentu (KNA) nian nomós implementasaun husi projetu sira resposta ba bee sa'e iha loron 4 fulan- abril nian husi grupu serbisu tékniku. 

Membru sira Konsellu Ministrus nian analiza ona mós dezafiu prinsipál sira ne'ebé hasoru no solusaun no rekomendasaun sira hodi hadi'a ezekusaun projetu sira ne'ebé finansia husi fundu infraestrutura sira.

"No fim sira mós simu mós rekomedasaun sira, no pontu de vista sira husi Ministru sira seluk, hodi nune'e forma di'ak liután iha kona-ba dezafiu saida de'it mak sira hasoru iha ezekusaun fundu infraestrutura nian”, informa nia.

Nune'e Ministériu sira rekomenda atu projetu sira ne'ebé laiha kualidade sira sei laiha tolera hodi hala'o projetu sira.

Maibe solusaun mak tenke avaliasaun ida kle'an nomós tenke hadi’a mekanizmu koordenasaun siklu sira projetu nian no haree fali mós assuntu legál sira relasiona ho prosedimentu sira atubele fasilita liután velosidade sira ba ezekusaun nian.

“Sei kompromete katak, ita sem tolera, kualidade ne'ebé mak di'ak tanba dezafiu sempre mosu bainhira ita koko para halo balansu, entre lalais nia di'ak ne'ebé ne'e sempre hasoru dezafiu, kuandu halo ho lisaun sira ne'ebé koko atu halo priduz rezultadu ne'ebé halo lalais maibé kualidade di'ak ida ne'e mak ha'u hanoin lisaun prinsipál ida”, afirma nia.

Iha aprezentasaun ne'e akompaña husi tékniku sira no sekretáriadu Grande Projetu, husi aprovizionamentu, KNA husi ADN, nomós Ekipa seluk ne'ebé iha relassun servisu no eskipa kona-ba pos Inundasaun 4 de Abríl nian, ne'ebé lidera husi Doutor Benjamin Martins. (*)

Rate this item
(0 votes)
Last modified on Thursday, 27 January 2022 06:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter