“Ha’u husu ba komunidade no Kooperativa CU-FATUMA tenka kuda barak sabraka tanba tempu beiala sira-nia tempu estrada ibun nakonu ho sabraka maibé tempu ukun-an, ita kontinua ku'u de’it buat sira ne’ebé bei-alaa husik mai ita maibé ita rasik atu kuda ne’e menus”, dehan Elizário iha Sede Suku, Manukasa, Postu Administrativu Lekidoe, Munisípu Aileu, sábadu (15/01).
Iiha postu Administrativu Lekidoe ne'e, tempu uluk koñesidu ho sabraka tanba ne’e agora tenke haburas nune’e bele fó jardin ne’ebé furak ba kada família no liuliu rai Lekidoe.
“Tanba bainhira ita kuda la’ós atu haburas de'it rai, maibé fó mós rendimentu di’ak ba kada família, bainhira fuan ita-boot sira sei lori lori ba fa’an iha merkadu nasionál, tanba ai-fuan nia vitamina di’ak ba ema-nia saúde”, afirma nia.
Bainhira komunidade atu kuda sabraka ona mak la dehan ba SEkoop promove kuda sabraka, nune’e kada família ida kuda sabraka hun-100 SEKOOP sei fó osan US$10,00 kada fulan nune’e badinas kuidadu ai-fuan refere.
“Ha’u husu ba lideransa lokál, kuda sabraka haburas Lekidoe tenke sai programa ida nune’e ba oin Lekidoe nakonu fali ho sabraka, maibé labele kuda de’it sabarak, kuda mós modo-tahan sira seluk, nune’e ita-boot sira bele hetan rendimentu di’ak, hodi sustenta família”, hatete nia.
Administradór Lekidoe, Munisípiu Aileu, Luis Dameão hatete, nia parte ba oin sei servisu hamutuk ho lideransa komunitáriu sira halo sosializasaun ba komunidade nune’e hothotu aleinde kuda modo, kuda sabraka.
“Agora daudaun ne’e ita-nia komunidade kuda maibé toos laran de’it, atu kuda fali hanesan uluk iha estrada ibun sira ne’e mak laiha ne’ebé ba oin ita sei halo sosializasaun nune’e komunidade ida-idak bele kuda sabraka iha uma ohin estada ibun”, dehan nia.
Nune’e Xefe Suku, Maukasa, no hanesan mós Prezidente Kooperativa CU-FATUMA, Juliana Imaculada hatete, nia parte hanesan Xefe suku ba oin sei tau atensaun ba asuntu kuda sabraka refere, maibé presiza mós hetan formasaun ruma nune’e kuda sabraka iha rezultadu.
“Durante ne’e ami kuda. Maske labarak liu, maibé kuda moris hotu sabraka sira ne’e mate husi nian tutun mak tun fali ba nia hun tanba buat ida peste mak halo, tanba ne’e ba oin atu kuda fali presiza hetan formasaun”, afirma nia. (*)
