Prezidente sentru formasaun CDC, António Guterres, hatete, graduasaun ne’e, realiza ba dala 12 iha área agrikultura jerál.
"Totál formadu hamutuk 32, formadu sira ne'e partisipa formasaun aprende pursentu 25 ba teória, pratika 75 pursentu, " dehan António iha fatin seremonia, sesta (14/01).
Formadu hirak ne'e, aprende prátika hanesan prepara bebeirus, prepara-rai, hein to'o koilleta.
Sentru formasaun ne'e, hetan apoiu husi Sekretáriu Estadu Formasaun Profesionál no Empregu (SEFOPE) atu haforsa agrikuktura.
Nune'e, Diretór Jerál Sekretáriu Estadu Formasaun Profesionál no Empregu (SEFOPE), Paulo Alves enkoraja graduante sira atu implementa hikas buat ne’ebé aprende ona ne’e, iha sosiedade nia leet.
"Ami iha programa promosaun auto-empregu, oinsa atu promove joven sira aprende ona iha sentru formasaun iha ona talentu, kapasidade iha vontade atu harii negósiu iha setór Agrikultura bele ba hatama proposta iha SEFOPE," nia fó hanoin
Nune’e, reprezentante formadu granduante, Filman Amaral da Silva mós sente kontente no orgullu, tanba bele aprende ona oinsa atu tama iha agrikuktura moderna.
"Ha'u sei implementa iha ha'u nia sosiedade nia leet, buat ne'ebé mak aprende ona," nia hatete
Entertantu, formasaun ne'e la’o durante fulan-6 nia laran no formandu hamutuk 32 ne’ebé kompostu husi feto na'in-13, mane na'in-19, husi mane na'in-19. (*)
