"Ida ne'e sei ajuda ita investementu ida ita halo liuhusi empresta, ita halo para moderniza ita-nia dizitaliza ita-nia liña distribuisaun, nia sei ajuda tebes ba ita-nia rápida intervensaun kuandu iha avaria ruma, tanba ita sei estabelese sentru kontrolu iha Dili, para averia iha ne'ebé, iha ne'ebá apaña kedas", dehan nia iha Salaun João Paulo II Komoro, tersa (21/12).
Tanba ne'e sistema modernizasaun ne'e sei ajuda EDTL.EP garante kualidade intervensaun ba avariasaun sira ho rápidamente nomós jere utilizasaun enérjia di'ak liután.
"Ita-nia tékniku sira direta ba ai-rin nomós ida ne'e, filder ida ne'e, lokasi ida ne'e, e akontesementu hanesan ne'e. Entaun tékniku sira minutu 5 ou minitu 10 ba to'o iha fatin resolve kedas", haktuir nia.
Entretantu asina akordu ba imprétimu osan millaun US$35 husi ADB iha Timor-Leste, Aitarak Laran Dili, husi Ministru Finansas (MF), Rui Gomes, ho reprezentante ADB, Tiago Ribeiro no hetan partisipasaun husi Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, Vise Ministra Finansas Sara Lobo Brites, Ministru Obras Públikas (MOP), Salvador Eugénio Soares dos Reis Pires, inklui Prezidente Konsellu Administrasaun EDTL.EP Paulo da Silva ho tékniku sira. (*)
