Diretór DNA, Quitiano Belo hatete, dekretu-lei ne'e rasik alteradu ona, nune'e iha Fulan-Janeiru tinan 2021 planu atu halo sosializasaun ba emprezariu sira iha Munisípiu, atu halo inskrisaun iha Ministéiru Obras Públika hodi sertifika empreza nasionál.
“Iha lei hateten sertifikado fahe ba kategoria-4, A sira nia osan tenke iha banku, 150 mil, B sira nia osan iha banku tenke 75 ribuh, B, B2 50 ribuh, C 25 ribuh”, Dehan Quitiano kuarta (15/12)
Tanba ne'e, kategoria empreza sira A, B, B, B2 no C tenke ativu iha MOP hodi hetan sertifikasaun, atu bele halo servisu hanesan parte konstrusaun sivil.
“Alterasaun ne'e lei ida antes hateten, emprezariu nasionál bele tuir de’it 1-7, 5 miliaun, maibé iha lei ida altera ne'e ita nia polítika sira hanoin katak, empreza timor-oan mós bele ona, entaun altera tiha husi $1 milaun to'o laiha limiti, sira kuandu hetan ona sertifikasaun avontade kompete ho internasionál”, Dehan nia
Tanba ne'e, fó hanoin ba empreza sira iha Munisípiu Baukau halo rejistu iha MOP depois remata, ékipa DNA sei halo verifikasaun.
Tuir dadus ne'ebé DNA iha tinan 2021, empreza ne'ebé rejistu iha MOP hamutuk rihun 2.000-resin, maibé husi totál ne'e la signifika atu hetan hotu, tanba sei haree ba rekezitu balun hafoin fó sertifikadu.
Nune'e, Prezidente Kamara Komersiu Munisípiu Baukau, Estanisilao Maria Quintas da Costa hatete, sosializasaun ne'e lori solok ba empreza sira, tanba lei rasik hatete klaru ona atu empreza nasionál kompete ho internasionál.
"Uluk ne'e termina liu mai ki'ik, ho lei foun ida ne'e empreza timor-oan mós bele partisipa 7, 5 miloes mai kraik, ne'e hanesan buat di'ak ida mai timor-oan partisipa iha dezenvolvimentu ida ne'e", nia haktuir
Maibé, empreza sira mós tenke iha preparasaun di'ak iha ékipamentus, tekniku tenke sufusiente, nomós iha orsamentu sufisiente.
Enkuantu reprezentante Presidente Autoridade Munisípiu (PAM) Buakau, Simão dos Santos Marques Pinhero hanesan mós Sekretária Autoridade Munisípiu Baukau hatete, iha alterasaun dekretu-lei ne'e, atu empreza sira hetan sertifikasaun iha nivél nasionál hodi halo kompetisaun iha kualker tenderizasaun iha nivél nasionál. (*)