"To'o iha 31 outubru 2021, Ministériu Finansas ezekuta ona pagamentu suplementu remuneratóriu liña-frente ho valór millaun US$3,5 husi totál orsamentu raktifikativu alokadu ba liña-frente hamutuk millaun US$51”, deklara Ministru Finansa (MF), Rui Gomes, iha pájina ofisiál ne'ebé www.tempotimor.com asesu, sesta (05/11).

Tanba, iha loron (12/10), Ministériu Finansas realiza ona pagamentu suplementu remuneratóriu liña-frente ba pesoál 143 ne'ebé nu’udar Polísia Migrasaun ba períodu fulan-marsu to’o fulan-juñu 2021 ho montante US$158,790.

Nune'e mós iha loron 18 fulan-outubru tinan 2021, Ministériu Finansas mós realiza mós pagamentu suplementu remuneratóriu liña-frente ba pesoál 449 husi Sentru Integradu Jestaun Krize (SIJK) ba períodu fulan-fevereiru to’o fulan-maiu 2021 ho montante US$322,925.

Purtantu iha loron sesta (29/10), Ministériu Finansas liuhusi Sekretariadu Tékniku Fundu Covid-19, realiza mós pagamentu suplementu remuneratóriu liña-frente ba pesoál PNTL hamutuk 3,821 ba períodu fulan-marsu to’o fulan-maiu 2021 ho montante millaun US$3,1.

Ho ida ne'e, Banku Nacionál Komersiu Timor-Leste (BNCTL), mós konsege transfere ona osan subsídiu liña frente ba kada konta bankária membru Polísia Nasionál Timor-Leste (PNTL) hamutuk 3.821. (*)