"2021 ne'e ita-nia programa tama duni, orsamentu iha mais depois kalamidade ita tenke revela fali tanba estragu totál barak demais, ita-boot sira haree foin sa'e ba ne'e estragu la'ós ki’ik ne'e tanba ne'e presiza fali estudu ka survey ne'ebé foun rigorozu tebes atu determina tipu de konstrusaun filafali saida mak ita halo para afeita ba kualidade”, dehan Salvador ba jornalista www.tempotimor.com iha palásiu Governu, kuarta (27/10).

Tanba Estrada refere iha tempu kalamidade ne'ebé akontese iha loron 4 fulan-Abríl liuba ne'e konsege estragu totál estrada entre husi  Díli ba Aileu nian.

Ho kalamidade ne'ebé estraga mak Ministériu Obras Públika deside halo fali estudu foun hodi determina nia kualidade hodi garante ba tempu naruk nian.

"Ne'ebé agora kuaze nia planeamentu ne'e hotu ona e lakleur tan sira haruka ba ADN (Autoridade Nasionál Dezenvolvimentu (ADN) para verifikasaun ita aprezentasaun ba KAFI (Komisaun Adminitrasaun Fundu Infraestrutura) hetan aoprovasaun iha avansa ba konstrusaun”, esplika nia.

Nune'e Reprezentante Komunidade Aileu, Agostinho Fernandes hatete, estrada ne'e lori ona tempu naruk maibé seidauk finaliza.

"Estrada ida ne'e uluk kedas halo maibé seidauk hotu hela de'it, kalan besik tinan hitu (7) ona karik”, hatete nia.

Konstrusaun Estrada liga Sarlala ba Dili ne'e komesa Konstrui husi Kompaña Sunrise maibé to'o agora seidauk finaliza. (*)