"Kuandu hahú ne'e o tenke haraik an, atu dada ema seluk atu hola parte iha o nia kooperativa, kuandu hahú dezenvolve o tenke hatudu Onestidade, no hatudu karakter umildade”, dehan Elizario Ferreira iha Suku Railaku Leten, sábadu (16/10).
Tanba Kooperativa atu ba oin ne'e hahú ho umildade, dezenvolve ho Onestidade, no kontrola ho Simplesidade, ida ne'e mak karakter kada dirijente sira ne'ebé lidera kooperativa sira.
"Atu kooperativa maju (progressu) ne'e labele mesak imi servisu hamutuk no fiar ba Maromak, iha vida kooperativa ba dirijente sira tenke iha karakter hanesan tuir mai, primeiru Umilde, segundu onestu, no terseiru mak Simplesidade”, afirma nia.
Ho ida ne'e bele dada komunidade sira atubele envolve-an Iha kooperaiva hodi bele akumula ema hotu iha futuru. (*)