Login to your account

Username *
Password *
Remember Me

SEKoop Konsege Ezekuta Programa Haat ba Grupu Kooperativa

Diretór Nasionál ba Dezenvolvimentu iha Setór Kooperativa, Reinaldo Borges . Diretór Nasionál ba Dezenvolvimentu iha Setór Kooperativa, Reinaldo Borges . Foto Suplay

Tempotimor (Dili)-Sekretária Estadu Kooperativa (SEKoop) liuhusi Diresaun Nasionál Dezenvolvimentu iha Setór Kooperativa (DNDSK), durante iha semestre dahuluk konsege ezekuta programa haat (4) ba grupu kooperativa sira hotu ne'ebé durante eziste iha territóriu tomak.

Diretór Nasionál ba Dezenvolvimentu iha Setór Kooperativa, Reinaldo Borges esplika, programa haat ne'ebé diresaun ne'e halo ona ezekusaun mak hanesan, halo sensibilizasaun, formasaun bázika, formasaun espesiálidade, no halo akompañamentu ba grupu kooperativa sira, atu fahe informasaun ba komunidade sira kona-ba lala'ok kooperativa nian.

“Apoiu jestaun ida ne'ebé di'ak no loos tuir padraun kooperativa ne'ebé iha, atu nune'e sira bele envolve, hala'o, no dezenvolve atividade kooperativa nian ho di'ak no loos, hodi bele aumenta kresimentu ekonómia komunidade nian iha baze liuhusi atividades kooperativa”, informa Reinaldo Borges, iha Federasaun Hanai Malu (FHM), Bairopite, kuarta (29/09).

Tuir dekretu lei númeru 138/16/2004 katak, bele haburas no dezenvolve setór ekonómia baze sai forte no metin liután hodi kria kampu sira iha komunidade nia leet.

“DNDSC nafatin servisu habelar informasaun ba komunidade sobre sistema kooperativa nian no fasilita grupu ne'ebé hakarak transforma ba kooperativa, e fó sistema mós ba kooperativa ne'ebé eziste ona”, hatete nia.

Enkuantu, atividade hirak ne'ebé durante ekipa sira SEKoop nian hala'o hanesan, sensibilizasaun kona-ba kooperativa iha fatin ualu, formasaun bázika kooperativa iha fatin hitu, kria semináriu ba dirijente sira kooperativa nian, halo selesaun ba formadór sira, halo auditória, inklui prepara ona mós assembleia estraordinária ida. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter