Login to your account

Username *
Password *
Remember Me

SEKoop Agradese Autoridade Aileu no Kompaña Fornesedór Sesta Bázika

Sekretáriu Estadu Kooperativa (SEKoop), Elizário Ferreira (karuk), simbólikamente entrega sertifikadu apresiasaun ba Eis Administradór Munisipiu Aileu, João do Rego Tilman (loos), servisu iha distribuisaun ai-hán sesta bázika ba populasaun sira, sesta (13/08). Sekretáriu Estadu Kooperativa (SEKoop), Elizário Ferreira (karuk), simbólikamente entrega sertifikadu apresiasaun ba Eis Administradór Munisipiu Aileu, João do Rego Tilman (loos), servisu iha distribuisaun ai-hán sesta bázika ba populasaun sira, sesta (13/08). Foto Suplay

Tempotimor (Aileu)-Sekretáriu Estadu Kooperativa (SEKoop), Elizário Ferreira, agradese ba autoridade munisipál Aileu no kompaña fornesedór sesta bázika, tanba distribui ona ai-hán ba komunidade sira la’o susesu.

“Hakarak hatete katak, primeiru fofoun hakarak agradese ba autoridade munisipál, Postu Administrativu no Suku sira hotu. Imi-nia kontribuisaun bele fó susesu ba distribuisaun ida ne'e. Segundu ba Komandante polísia, to'o sira ne'ebé iha nível Suku, imi-nia apoiu, imi-nia suporta tomak. Terseiru, obrigadu mós ba kompaña sira”, hatete Elizário, iha serimónia enseramentu Sesta Bázika iha salaun Administrasaun Munisípiu Aileu, sesta (13/08).

Nu'udár membru Governu ida foun, bainhira sira diskute kona-ba programa rekuperasaun ekonómia ho distribuisaun ai-hán iha bote sesta bázika, nia rezeita simu, tanba nia ema kooperativista, no la'ós eduka ema atu simu fali sasán.

“Maibé, polítika Governu nian dehan ita-nia rain hamlaha, ita-boot hili ida ne'ebé. Ema mate tiha mak ita atu eduka tan sé. Ha’u dehan, entaun, prontu ida ne’ebé sosiál fahe osan, ha'u prontu fahe ida hahán. Primeiru iha opsaun rua, tanba esperiénsia opsaun ida fahe tiha osan ona, e segundu esperiénsia hakarak atu fahe hahán, e membru Governu sira rasik, barak liu hanoin katak, di'ak liu fahe nafatin ona”, hatete nia.

Ba komisaun ida kona-ba rekuperasaun ekonómika nian, rekomenda katak, fahe osan benefísiu la ba ema hothotu, maibé ba de'it ema ida-rua.

Adjuntu Administradór Munisípiu Aileu, Felix Maria de Oliveira hatete, iha situasaun pandemia Covid-19, estadu hola medidas ho forma oioin hodi atribui ai-hán ba populasaun sira atu hakma’an netik moris iha situasaun difísil ne'e.

“Dadus ne'ebé enkuadra ona iha lista ne'ebé administrasaun munisípiu Aileu iha, ne'ebé sesta bázika nomós subsídiu familiar ninian. Ne'eduni iha alvu ida, liuhusi apoiu sira ne'ebé Governu, estadu halo, benefisiáriu ne'ebé hetan ba sesta bazika mós, subsídiu familiar, iha 25,818 mill pesoás, no sei iha hela mós reklamante mak iha Aileu Vila, hamutuk 99”, informa nia.

Diretór Kompaña Seramor, Raul Lemos, lori emprezáriu nasionál ne'ebé hetan fiar husi Governu, espesialmente husi Sekretaria Estadu Kooperativu, hodi sai fornesedór programa Sesta Bázika iha Munisípiu Aileu.

“Ami hato'o ami-nia orgllu tanba iha situasaun pandemia covid-19, Governu iha inisiativa ida di'ak, hodi ajuda povu Timor-Leste iha programa rekuperasaun ekonómia, liuhusi programa sesta bázika”, afirma nia.

Tuir dadaus, totál benefisiáriu ne'ebé benefísia ona ai-hán iha bote Sesta Bázika, hamutuk rihun-56.919, inklui reklamante hamutuk atusida-sianolu-resin-ida (191).

Munisípiu Aileu rasik iha Postu Laulara, Lekidoe, Remexiu no Aileu Vila, iha Suku 33, aldeia 139, uma-kain iha rihun-10.414,  mane rihun-28-234, feto 27.417, totál populasaun hamutuk rihun-55.651, no área luan 790.76 kilometru kuadradu.

Entretantu, totál populasaun iha munisípiu 7 ne'ebé SEKoop responsável, akomoda ema benefisiáriu hamutuk 432.592, Xefe família iha rihun-70-resin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter