AIFAESA Autoriza Hikas Empreza Belu, Hodi Produs Tahu iha Hera

Autoridade Inspesaun Fiskalizasaun Atividade Ekonómika Sánitaria no Alimentar Autoridade Inspesaun Fiskalizasaun Atividade Ekonómika Sánitaria no Alimentar Foto Tempo Timor

Tempotimor (Dili)- Autoridade Inspesaun Fiskalizasaun Atividade Ekonómika Sánitaria no Alimentar (AIFAESA) reativa fali ona empreza Belu Dara Gui Enin, ne'ebé hala'o nia atividade hanesan produsaun Tahu iha Aldeia Hali-Dolar, Suku Mota Ki'ik, Postu Administrativu Kristu Rei, Munisípiu Dili.

Tanba, antes ne'e, AIFAESA hapara kompañia refere, ho razaun kondisaun ijiiene ne'ebé la di'ak.

Entaun, ohin loron 05 fulan marsu tinan 2021 reativa fali empreza refere, tanba ninia kondisaun ijiene priense ona rekezitu ou regulamentu ne'ebé AIFAESA fó.

Idonia Maria Auxiliadora Sanches Paicheco nu'udár Xefe Divizaun Operasaun AIFAESA, informa, reativa fali empreza ne'e, tanba kumpri ona regra sira kona-bá hadi'a kondisaun ijiene.

"Ohin mós reativa fila-fali ba Tahu ho Tempe iha-ne'e, tanba kondisaun ijiene tuir ona rekezitu no regra husi dekretu lei 28/2011 nian", dehan Nia.

Nune'e mós, Tomás H. Boavida nu'udár na'in bá kompania Belu Dara Gui Enin, afirma, antes ne'e parte husi AIFAESA suspende atividade, tanba kondisaun ijiene mak la di'ak.

"Iha momentu fulan Janeiru tinan 2020 sira mai hapara tiha ami-nia atividade, tanba fatin ne'e mak la ijiene, entaun ami para tiha kleur, tanba orsamentu mak laiha, ami buka fundu ituan-ituan tau hamutuk mak hadi'a fali fatin ne'e tuir kriteira AIFAESA fó sai, ami halo tuir hotu ona", nia haktuir

Suspende atividade produsaun Tahu ne'e, kuaze tinan ida resin, hafoin ohin loron 05 fulan Marsu tinan 2021, AIFAESA mai reativa fali.

"Nune'e, ami ba hasoru duni xefe operasionál nian, entaun ohin dia 05 sira mai halo reativasaun bá ami nia atividade",nia akresenta. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter