Login to your account

Username *
Password *
Remember Me

SEKOOP Partisipa Asembleia Jerál CU-BALIMA iha Likisa

SEKOOP, Elizário Ferreira foto hamutuk ho estrutura no membru CU-BALIMA hafoin partisipa atividade Assembleia Jerál daruak ba CU-BALIMA iha Salaun tokodede, Kuarta (18/01). SEKOOP, Elizário Ferreira foto hamutuk ho estrutura no membru CU-BALIMA hafoin partisipa atividade Assembleia Jerál daruak ba CU-BALIMA iha Salaun tokodede, Kuarta (18/01). Foto Tempo Timor

Tempotimor (Likisa)-Sekretáriu Estadu Kooperativa (SEKOOP), Elizário Ferreira hamutuk diresaun Diresaun Nasionál Dezenvolvimentu iha Setór Kooperativa (DNDSK), Diresaun Nasional Edukasaun Formasaun no Informasaun (DNEFI) no Gabinete Igualidade Jenéru (GIJ) partisipa Asembleia Jerál ba membru Kooperativa Kréditu Uniaun Bazartete Likisa Maubara (CU-BALIMA) daruak iha Munisípiu Likisa.

Maibé, SEKOOP, Elizário Ferreira nia intervensaun katak, kooperativa CU-BALIMA konsege hasa’e númeru membru, maibé rendimentu menus tebes.

"Parabéns ba CU-BALIMA ne'ebé ohin halo asembleia jerál katak, kooperativa ne'e funsiona, maibé bainhira la halo Assembleia Jerál no la ko'alia ba malu ne'e, prepara atu lulun biti, tanba haree husi kresimentu membru imi masimu, maibé haree husi kresimentu kapitál imi sei minimu, entaun buka atu adere ba Federasaun Hanai Malu", dehan iha Salaun tokodede, Kuarta (18/01).

Tanba ne'e, nia fo obsaun ba Kooperativa CU-BALIMA atu adere ba Federasaun Hanai Malu (FHM) hodi hakbi'it kooperativa nia finansiamentu.

Tanba, iha tinan 2003 koperativa ne'ebé barak liu iha timor husi Munisípiu Likisa hamutuk 36 inklui federasaun ida, maibé dadaun laiha hotu ona.

"36 ne'e mós agora hela rua ka tolu de'it, kooperativa ne'ebé apoiu hela de'it sei mate, maibé kooperativa ne'ebé husi ki'ik ba boot sei buras ba nafatin eh sustentavel no CU-BALIMA hatudu ida ne'e", dehan nia.

Nune’e, Dirijente CU-BALIMA, Frangelina Amelia afirma, realiza Asembleia Jerál ne'e oportunidade ida atu membru sira halo krítika no hato’o sujestaun ne'ebé di'ak hodi bele kontribui ba sustentabilidade instituisionál finanseira iha CU-BALIMA.

"Asembleia ida ne'e nu'udar sorumutu ba daruak iha kreditu Uniaun Bazartete Likisa Maubara (CU-BALIMA) no atu fo hanoin ba membru no maluk partisipante sira katak, oportunidade ne'ebé livre no demokrasia atu aproveita didiak hodi halo avaliasaun apresiasaun ba relatóriu jestaun kontas ezersísiu CU-BALIMA ba tinan 2021-2022 nian ne'ebé sei hato'o liu husi power point", nia enkoraja.

Tanba ne’e, husu membru sira atu labele nonok iha prosesu avaliasaun ba servisu koperativa CU-BALIMA nian, liu husi realizasaun asembleia jerál.

"Signifika ita mai iha ne'e, la'ós nonok rona de'it depois fila ba tiha uma mak muramura", nia afirma.

Nia konta tuir, kooperatiza CU-BALIMA nia ezisténsia ho de'it membru 29, maibé to'o tinan 2023 totál membru hamutuk 200-resin no ho nia orsamentu rihun US$25 ona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter