Login to your account

Username *
Password *
Remember Me

Komunidade Luka Kontente Simu Cesta Bázika husi SEKOOP

Ai-han lokal. Ai-han lokal. Foto Suplay

Tempotimor (Vikeke)-Reprezentante  Komunidade, João Carlos Amaral husi Suku Luka,  Postu Administrativu Vikeke vila, Munisípiu Vikeke senti kontente simu Cesta Bázika, ne’ebé organiza husi Sekretária Estadu Kooperativa (SEKOOP), tanba bele responde ona ba komunidade sira nia nesesidade.

"Ohin loron ida ne'e, ami simu sasán husi Governu, hanesan ajuda ami povu iha Luka, tanba buat ne'ebé sira hanoin fó mai, ami simu ho kontente, tanba sasán ne'ebé estadu fó ba ami, sosa husi povu fó fali ba ami povu uza, ne'ebé ami agradese”, dehan nia bá media iha Suku Luka, Postu Administrativu Vikeke Vila, Munisípiu Vikeke, segunda (24/10).

Tanba, komunidade konsidera Governu mak inan ho aman bá povu, bainhira hasoru hahan la iha.

"Ami husu obrigadu ba iha ami nia inan ho aman, ne'ebé ukun povu Luka, ho ukun povu tomak ne'ebé iha Timor laran tomak hanesan inan aman be fó hahán mai ami, ami simu ho agradese tan no husu obrigadu ba estadu", nia espresa

Reprezentante Administrador Munisípiu Vikeke, Cosme Sarmento mós agradese ba Governu Sentrál, tanba sei bele fahe produtu lokal komunidade sira iha Suku Luka.

"Ami Vikeke sente haksolok, Suku Luka, ne'ebé sai hanesan alvu ba atividade Cesta Bázika daruak ninian hodi reprezenta suku 36, ami agradese tebes apoiu tomak ne'ebé fó mai komunidade, tanba buat hotu ne'ebé komunidade agora hetan, sira sente seidauk to'o, maibé ami sei presiza tulun husi na'i ulun sira no agora tulun sira iha ami nia oin ne'e, hanesan agradese boot ba ami," dehan nia.

Alende ne'e, Diretor Kompaña Hezelda Unip. Lda, Filipe Alberto Rodrigues mós agradese ba komunidade husi Suku Luka, tanba hatudu kooperasaun di'ak ho kompaña.

"Ohin ne'e, primeiru lansamentu ba programa Cesta Bázika iha Vikeke, ami ne'e fornesimentu Cesta Bázika ba komunidade, ami urgullu no agradese ba partisipasaun komunidade Luka nian, tanba hatudu kooperasaun di'ak no ami kompaña sente kontente", nia afirma.

Nia afirma, molok halo distribuisaun, AIFAESA halo ona inspesun ba hahán no hatudu kooperasaun ne'ebé di'ak.

Nune'e, ekipa Providoria Direitu Umanu (PDHJ) mós halo observasaun ba kompaña distribuidor programa nasionál Cesta Bázika hodi halo identifikasaun ba komunidade sira atu hotu-hotu iha direitu ba ai-han lokal.

Kompaña Hezelda Unip Lda, distribui iten hamutuk 15 hanesan, fós lokál, fehuk-roupa lokál, batar-dulas lokál, na'an-karau isin, ikan-maran, mantolun, koto, foremungo, lis-mean, masin-Timor, mina-bimoli, kafé-Timor, sabaun lifeboy, rinso, ho masin-midar, ne'ebé tuir kontratu distribuisaun ba komunidade suku Luka ho Karaubalu, durante fulan rua.

Hafoin lansamentu ba programa Cesta Bázika daruak iha tiha iha Munisípiu Vikeke, tuir ajenda SEKOOP sei kontinua tán iha Munisípiu Baucau, Postu Baukau Vila, Suku Tirilolo. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter