Login to your account

Username *
Password *
Remember Me

BTL Manatutu Notifika Kliénte La Selu Tarifa Bee

Ekipa Bee Timor-Leste (BTL, E.P) Munisípiu Manatuto f’o hela karta notifikasaun ba kliénte ne’ebé seidauk selu tarefa. Ekipa Bee Timor-Leste (BTL, E.P) Munisípiu Manatuto f’o hela karta notifikasaun ba kliénte ne’ebé seidauk selu tarefa. Foto Suplay

Tempotimor (Dili)-Ekipa Bee Timor-Leste (BTL, E.P) Munisípiu Manatuto, kompostu husi Apoiu Kliénte (A.P) no Tékniku Operadór (T.O) fó karta notifikasaun ba kliénte bee-moos ne’ebé, asesu ona bee ne’ebé kanaliza husi BTL, E.P maibé to’o ohin loron (fulan tolu ona) seidauk selu tarifa bee.

Tuir informasaun ne’ebé www.tempotimor.com, asesu iha pájina BTL, sesta (19/08) katak, ekipa BTL, E.P hato’o karta notifikasaun ne’e, bazeia ba rezultadu identifikasaun iha suku haat, hanesan suku Aiteas, Sau, Ailili no Ma’abat, Postu Administrativu Manatuto Villa, iha kliénte balun, fulan-tolu ona mak la selu impostu bee, ho nune’e, BTL, E.P Manatutu deside hodi fó notifikasaun ba kliéente sira.

Koordenadór BTL, E.P munisípiu Manatuto informa, karta notifikasaun ne’ebé hato’o ba kliente ne’e, hodi fó tempu ba kliente sira, durante loron 10, atu bele halo pagamentu ou haka ba edifísiu BTL, E.P hodi halo justifikasaun kona-bá la selu tarifa bee, maibé liu loron 10 mak laiha informasaun no kliente sira la bá halo pagamentu, mak BTL, E.P sei ko’a ka dezliga bee ne’ebé dada ou instala ba konsumidór sira nia hela fatin.

Antes aplika selu tarifa bee, ekipa BTL, E.P Manatuto halo uluk sosializasaun, iha aldeia no suku sira, hodi esplika ba konsumidór sira kona-ba oinsá selu tarifa no bazeia ba diploma ne’ebé ko’alia kona-ba selu impostu ne’e

Entretantu aplikasaun selu tarifa bee-moos bazeia ba Diploma Ministeriál númeru 1/2004 loron 11 fulan-fevereiru, ne’ebé ko’alia kona-ba Tabela Tarifária, siknifika katak komunidade sira ne’ebé asesu ona bee husi BTL tenke selu tarifa bee-moos nian.

Bainhira kliénte sira la selu, mak BTL, E.P sei fó notifikasaun, no fó prazu loron 10 atu kliénte refere bele halo pagamentu, maibé kliénte la kumpri mak BTL, E.P sei foti medidas hodi dezliga ou ko’a sistema bee-moos ne’ebé liga ba komunidade sira-nia hela fatin.

Enkuantu kontribuisaun husi selu tarifa bee ne’e, hodi garante sustentabilidade ba manutensaun kona-bá atividade melloramentu sistema bee-moos nomós promove projetu bee foun ba fatin seluk ne’ebé komunidade sira seidauk asesu ba bee-moos. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter