MOP ho Banku Investimentu Europeia Diskute Programa PPIP

By Tempo Timor August 16, 2022 559

font size decrease font size increase font size
Print
Email

Ministru Obras Públikas (MOP), Abel Pires da Silva, hala'o enkontru hela ho Xefe Divizaun Ázia Pasífiku-Banku Investimentu Europeia. Foto Suplay

Tempotimor (Dili)-Ministru Obras Públikas (MOP), Abel Pires da Silva, ho Xefe Divizaun Ázia Pasífiku-Banku Investimentu Europeia (EIB), Benoit Cambier, ho ekipa akompaña husi Diretór Nasionál Ordenamentu Espesiál (DNOE), Kassius Klei Ximenes, husi Ministériu Planu no Ordenamentu (MPO) hodi ko’alia kona-ba Preparasaun Projetu no Implementasaun Program aba Timor-Leste (Project Preparation & Implementation Program for Timor-Leste-PPIP ba TL) iha salaun enkontru Gabinete MOP, Kaikoli, Dili.

Tuir informasaun ne’ebé www.tempotimor.com, asesu iha pájina MOP, tersa (15/08) katak, iha enkontru ne’e ko’alia liu kona-ba programa bee-moos nian tanba ne’e, Ministru Abel husu parte Bee Timor-Leste Empreza Públika (BTL.EP) no Autoridade Nasionál Água no Saneamentu Institutu Públiku (ANAS.IP) atu aproveita oportunidade ne’e hodi hadi’ak no mellora liután fornesimentu bee-moos ba komunidade iha kapitál no munisípiu sira.

Ministru Abel mós hatete, Timor-Leste nasaun ki’ik, tanba ne’e planu ne’ebé programadu ona direita ba implementasaun projetu hodi fó benefísiu diréita ba komunidade.

Iha enkontru kortejia ne’e partisipa husi Prezidente ANAS.IP, Domingos Pinto, Vise Prezidente BTL.EP, Gustavo da Cruz, no tékniku sira. (*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com