Molok Distribui Produtu Lokál ba Komunidade sira, Sekretáriu Estadu Kooperativa (SEKOOP), Elizário Ferreira husu ba agrikultór sira iha Ainaru liliu Postu Maubisse tenke badinas produz produtu lokál.

“Atu hatete katak agrikultór ne'e tenke Badinas, hamoos to’os no tenke uza adubu ne’ebé orgániku no di’ak atu kontribui ba ita-nia produsaun rai laran nian, ohin ita halo Primeira lansamentu iha ne'e tuir mai hotu sei hetan iha parte Ainaru”, dehan nia iha sede Suku Maubisse Vila, kinta (04/08).

Tanba ne’e husu ba benefisiáriu iha Postu Administrativu Maubisse Vila kolabora hamutuk ho kompaña distribuidór, bainhira buat ruma ne’ebé naksalak ko’alia ba malu hodi povu hothotu bele hetan solusaun hodi hetan Sesta Bázika ba sira ne’ebé mak kada fulan simu osan la liu $500.00 ba leten

Nune’e Koordenadór Jerál Programa Nasionál Sesta Bázika, nu’udar reprezentante Ministru Koordenadór Assuntu Ekonómiku, Fernando Araújo hatete, programa sesta bázika ne’e sosa komunidade sira-nia produtu no sei fahe filafali ba komunidade sira hodi nune’e osan sirkula de’it iha Timor laran.

“Programa Sesta Bázika ne’e iha finalidade ida, ne'e nu’udar polítika rekoperasaun ekonomia ne’e atu dehan de’it katak, ita-nia orsamentu ne’ebé mak Governu hasai sirkula iha Timor laran, sirkula iha populasaun nia liman, no segundu mak halo agrikultór sira-nia produtu hetan valór ne’ebé di’ak, tanba MKAE halo estudu ba primeira distribuisaun hatudu rezultadu ida kapás tebes”, dehan nia.

Tanba rezultadu ne’ebé hatudu mak iha agrikultór iha Timor laran tomak hatudu sira halo natar no to’os hodi hetan produsaun ne’ebé di’ak no Governu sosa fali hahán husi nia povu sira.

Administradór Munisípiu Ainaro, Leovigildo Amaral Pereira hatete, nia parte agradese ba Sekretáriu Estadu Kooperativa SEKOOP tanba bele fahe ona sesta bázika ba nia komunidade sira iha Munisípiu Ainaru.

“Ha’u agradese ba ekipa tomak ne’ebé prepara atividade sira ne’e hodi realiza iha postu ida ne’e ha’u lori komunidade tomak nia naran hato’o agradesy wa'in ba prepara atividade ida ne’e”, dehna nia.

Iha lansamentu ne’e, marka prezensa husi Autoridade de Inspeção e Fiscalização da Atividade Económica Sanitária n Alimentasaun ne’ebé hala'o nia kna’ar hodi kontrola hahán sira ne’ebé kompaña manán na’in fahe ba benefisiáriu sira. (*)