Login to your account

Username *
Password *
Remember Me

PM Apela Komunidade Lalika Pániku ho Kombustivel

Konsumidor ense hela kombustivel ba transporte. Konsumidor ense hela kombustivel ba transporte. Foto Suplay

Tempotimor (Dili)-Primeiru Ministru (PM), Taur Matan Ruak, apela ba komunidade sira lalika hakfodak no pániku ho informasaun kona-ba kombustivel ne’ebé hotu, tanba Empreza privadu no estatál sei garante kuantidade ba konsumidór sira.

“Ohin Ministériu petróleo informa ona ba ha'u, dadaun ne'e pertamina nia ro bo'ot ida lori mina kuaze 4 billlaun, Gasolina ho Gazoel, iha ona tasi-laran ne'e, sira deskarega orsida-loraik e aban mina problema ida-ne'e laiha. Entaun hau apela ba populasaun sira lalika pániku”, dehan nia hafoin Audénsia ho Prezidente Repúblika (PR), José Ramos Horta iha Palásiu Prezidensial Bairo Pite, kinta (28/07).

Maibé ba preokupasaun ida-ne'e informa ona ba Prezidente Repúblika bainhiraa rona informasaun ruma kona-ba asuntu ida-ne'e, Xefe Estadu lalika preokupa.

“Ha'u dehan ba sua eselénsia katak ita lalika preokupa ida-ne'e tanba primeiru ita sei konfia Empreza sira ne'ebé hala'o hela sira-nia atividade mais em kazu de entermu nesesidade Governu iha Empreza estatál ida, Timor Gap ke bele ativa tanba ne'e tenke averba ho seguransa ba ita-nia nasaun nian”, afirma nia.

Nune'e husu ba populasaun sira atu lalika pániku tanba dadaun ne'e stok mina Gazolina no Gazoel hamutuk litru Billaun 4, máka oras ne'e iha hela dalan atu mai Timor-Leste.

Binhira kombustivel laiha komunidade sira presiza haree no iha alternativa mak karreta ho motorizada hodi la'o ai-ain, bainhira Timor-Leste hasoru krize Mina Gazolina no Gazoél inklui Solar.

“Uluk situasan pior ida-ne'e mós ita jagoan loos, agora mina atu maran ita hala'i duni mate-an fali. Mina laiha, para tiha motorizada-karreta la'o ain, maromak tau ita-nia ain atu halo saida, katak la'o ne'e ga la'e. Ami la'o tinan 20 iha ai-laran ami bele agora imi labele hotu ne'e tanba saida mak lá di'ak”, deklara nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter