Login to your account

Username *
Password *
Remember Me

SEKOOP 'Alerta' Kooperativa Labele Dependénsia Totál ba ONG

Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Aileu)-Sekretáriu Estadu Kooperativa (SEKOOP), Elizário Ferreira, fó alerta ba Kooperativa Produsaun, Multisetorál no Kráditu Uniaun sira labele dependénsia totál ba Organizasaun Naun Governamentál (ONG) sira, tanba loron ida sei husik Kooperativa sira la'o mesak.

“Ita Kooperativa ninia pekadu ida mak dependénsia externa ita kuandu depende ba ema hanesan mós ema kaer ita-nia fuik halo aas até ema seluk hateke ita hetan”, dehan nia ba Kooperativa Multisetorál no Kréditu Uniaun sira iha Salaun Timor Klaran Munisípiu Aileu, kuarta (22/06).

Tanba ne’e, kooperativa sira labele dependénsia totál tanba to’o tempu apoiu externa ne'e remata kooperativa sira bele monu no la funsiona kedas, maibé la bandu atu halo dependénsia maibé tenke kria kondisaun hodi nune’e bainhira tempu ruma dependénsia externa ne’e remata kooperativa sira labele taka ka mate.

“Kuandu ema nia liman kolen nia husik ita, ita sei monu, di’ak liu mak hada blok hamri’ik iha leten halo aas ita hamri’ik iha leten ema hothotu sei haree ita”, afirma nia.

Maibé ba kooperativa hirak ne’e mak foin hahú bele bele simu apoiu husi parseiru dezenvolvimentu sira maibé tenke mós kria kondisaun ba kooperativa sira ne’e rasik atu to'o bainhira hamri’ik mesak kontinua iha sustentabilidade instituisionál liliu ba ezisténsia kooperativa sira, atu nune’e la'o mesak karik iha ona esperiénsia iha kooperativa ida nia laran.

Pekadu Kooperativa ida seluk mak dirijente no Membru Kooperativa sira bainhira halo reuniaun la transparansia ba malu, no labele atende di’ak de’it dirijente Kooperativa maibé atende membru sira hanesan.

Alende ne’e mós membru no Kooperativa sira ne’ebé mak empresta osan tenke fó fila tuir nia tempu ne’ebé mak determina. Tanba Empresta osan mak la selu lalais bele hamate kooperativa Kréditu Uniaun iha dalan klaran. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter