Login to your account

Username *
Password *
Remember Me

MOP Husu Kompaña Catalpa Hadi’a IRMIS Antes Entrega ba Governu

Ministru Obras Públikas (MOP), Abel Pires da Silva, hala’o enkontru ho ekipa kompaña Catalpa. Ministru Obras Públikas (MOP), Abel Pires da Silva, hala’o enkontru ho ekipa kompaña Catalpa. Foto Suplay

Tempotimor (Dili)-Ministru Obras Públikas (MOP), Abel Pires da Silva, husu kompaña Catalpa ne’ebé halo dezeñu ba Sistema Informasaun Integradu no Jestaun Estrada (Integrated Roads Management Information Systems-IRMIS) antes entrega ba Governu liliu Ministériu Obras Públika hodi hatama dadus kona-ba estrada iha teritóriu nasionál.

“Husu para hadi’ak di’ak liután, tenke hatama dadus, see hanesan ne’e de’it ita gasta osan barak mak dadus la kompletu entrega mai ita de’it, depois ita gasta tan osan millaun ba millaun hodi hadi’ak filafali ne’e labele, tente kompleta tiha mak entrega ba ita”, dehan Ministru bainhira akompaña aprezentasaun husi Estrada Rurál ba Dezenvolvimentu (ERD) kona-ba sistema IRMIS iha salaun enkontru Gabinete MOP, Kaikoli, Dili, tersa (24/05).

Sistema IRMIS sei utiliza liuhusi Software ka aplikasaun ida atu publika dadus kona-ba estrada nasionál, urbana, munisipál no rurál iha territóriu Timor laran tomak, kompleta ho mapamentu no lokalizasaun, progresu servisu ba kada projetu infraestrutura nian.

Bainhira utiliza sistema ne’e, husu ba Catalpa hadi’ak no kompleta dadus sira inklui fó formasaun ba funsionáriu sira iha MOP no munisípiu sira oinsá utiliza sistema ne’e, imput ka hatama dadus projetu estrada nian.

Tanba sistema IRMIS, hanesan sistema prinsipál atu fasilita planu integradu ba orsamentu, kontratu no jestaun bainhira hala’o projetu. Sistema ne’e ba kriasaun baze dadus ba estrada hotu iha territóriu tomak, tanba involve programasaun, jestaun, planifikasaun, ezekusaun no manutensaun.

Fundus ba kriasaun sistema ne’e husi Governu Austrália liuhusi Department Foreign Affairs and Trade (DFAT) liliu programa apoiu Estrada Rurál ba Dezenvolvimentu (ERD) nian.

Iha aprezentasaun ne’e partisipa husi parte ERD no ILO (International Labour Organization), inklui tékniku sira husi gabinete MOP. (*)

Rate this item
(0 votes)
Last modified on Wednesday, 25 May 2022 20:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter