“Primeiru husu ba imi atu organiza malu kona-ba funsionáriu destaka Munisípiu Baukau nomós funsionáriu Organizadór, Mobilizadór, no Motivadór (OMM) sira-ninia envolvimentu iha distribuisaun ‘Cesta Básica’”, dehan Elizário Ferreira bainhira halo reuniaun hamutuk ho OMM iha Restaurante Amalia Vila Antiga Baukau, kuarta (17/05).
SEKOOP mós husu nafatin ba OMM atu hakbesik-an ba komunidade sira hodi motiva sira atu nune'e sira bele oferese sira-nia produtu identifikadu sira ba Kooperativa no kompaña sira ne'ebé mak submete ona sira-nia proposta ba SEKOOP.
“Motiva ba ita ba populasaun atubele oferese produtu ba kompaña ka Kooperativa sira, tanba Kooperativa rua ka tolu de'it mak sublete proposta iha ne'eba, tanba ne'e mak husu ba komunidade sira atu organiza produtu hodi oferese ba kompaña sira”, dehan nia.
Tanba programa sesta bázika ba etapa daruak ne'e programa ida ne'ebé hanaran rekoperasaun ekonómika hodi hasa'e ekonomia iha rai laran.
Rekoperasaun ekonómika ba etapa daruak ne'e Parlamentu Nasionál (PN) aprova osan millaun 40 hodi sosa produtu sira iha rai laran.
Ba distribuisaun Sesta bázika etapa daruak ne'e SEKOOP kobre iha Munisípiu ualu hanesan Aileu, Ainaro, Manatutu, Manufahi, Baukau, Lautein, Vikeké no Covalima. (*)
