“Liuhusi Emprezáriu Timoroan sira, prosesu rejistrasaun no lisensiamentu nian. Nune'e, ami hetan ona legalizasaun husi Ministériu Turizmu Komérsiu no Indústria (MTKI), ami servisu hamutuk ho emprezáriu Timoroan sira tanba sira hakarak mós atu tau sira-nia asaun iha kompaña Red Star”, dehan Komisaun Organizadora Kompaña Red Star, Datuk Harry, iha edifísiu Grand Lotária, sábadu (02/04).

Koampña ne’e, rejistu no hetan ona lisensa husi Ministériu Turizmu Komérsiu no Indústria (MTKI), nune'e halo lansamentu iha loron 03 dezembru 2021, atu halo mudansa ba merkadu dijitál lotária nian, ne'ebé dahuluk iha nasaun Timor-Leste.

“Difikuldade barak ami hasoru iha momentu ne'eba. Dadaun ne'e, ami-nia ajénsia sira iha kapitál sira uza ona dijitál hodi halo operasaun ba ami-nia produtu. Nune'e iha ami-nia planu la'ós de'it iha kapitál Dili, maibé ami sei halo ligasaun iha 12 munisípiu inklui RAEOA ho dijitál”, informa nia.

Kriteria atu halo rejistrasaun mak presiza eleitorál, bainhira fó ekipamentu ba sira, kuandu sira la halo opersaun, presiza hatene, saida mak sira halo opersaun iha liur tama ona iha sistema, nune'e bele kontrola liuhusi dijitál no sistema. Ho numéru telefone, tanba sei manda kódiku.

Grand Dragon Lotaria nia prosesu dulas bola halo iha nasaun Kambódia no klíente sira bele asesu liuhusi pajina ofisiál Red Star no Grand Dragon Lotaria kada loron tuir oráriu ne'ebé iha no oras ne'e eziste ona iha nasaun ualu (8) iha Sudeste Aziatiku.

“Portantu Prémiu ba jogu Grand Dragon Lotaria hahú husi dimensaun neen (6D) to’o dimensaun rua (2D) iha valór diferente depende ba klíente sira-nia sorte. Grand Dragon Lotaria iha ajénsia hamutuk 37 ne’ebé sirkula iha Díli laran no iha parseiru sira hamutuk sanulu (10) no ami-nia planu la'ós de'it iha kapitál Dili, maibé ami sei halo ligasaun iha 12 munisípiu inklui RAEOA ho dijitál”, dehan nia.

Kompaña ne’e mós selu ona taxa dala-rua ba Governu Timor-Leste, no kontinuasaun sei halo diskusaun advokadu, no sai ba públika liuhusi mídia. (*)