Tanba, prosesu la'o ona iha Komisaun Nasionál Aprovizionamentu (CNA-sigla portugues) hein atu implementa iha fulan ne'e.

Diretór Servisu Diresaun Ministéiru Obras Públiku (MOP) Baukau, Pedro Alexandre Guterres Perreira, hatete, estrada rural ne'ebé utiliza fundu infraestrutura tinan 2021 loke tender ba kompañia lokál sira tuir, dadaun prosesu iha CNA la'o hela hein atu realiza.

"Prosesu aprovizionamentu la'o kompletu hotu ona, pakote 7, afaça uaitame Km-12 pakote-4, venilale uaioli 8.5 Km iha pakote-3 talvez iha ona Ministéiru nia liman, ita espera iha marsu nia laran ne'e, kompañia sira manan ne'e mai ona halo servisu," dehan Pedro iha kna'ar fatin, sesta (04/03).

Tinan 2021, CAN nasionál loke tenderizasaun ba kompañia lokál sira iha Baukau hamutuk-40 resin mak konkore, maibé liu mak kompañia-7, tanba projetu refere iha de'it pakote-7.

Tanba ne'e, kompañia-4 sei halo servisu ba pakote-4, husi Suku Afaça ba Suku Uaitame ho Km-12 nia orsamentu US$2,495,490.91 no Venilale ba Suku Uaioli Km-8.5 ho nia orsamentu US$1,624,237.39.

"Orsamentu ne'e, tuir lolos bazed 2021 nian, maibé tarde oituan, tanba aprovizionamentu mak tarde, maibé ita espera iha fulan marsu ne'e (implementa)," nia afirma

Enkuantu ba projetu ne'e, tuir kontratu normal, implementa durante tinan-ida, sura loron husi hahú asina kontratu.

Tuir planu, molok kompañia manan na'in sira desloka mai Munisípiu atu implementa servisu iha tereñu, parte servisu diresaun MOP Baukau sei realiza enkontru ho na'in ba kompañia sira, inklui Autoridade sira iha Munisípiu Baukau, nune'e projetu implementa la'o di'ak to'o remata. (*)