“Objetivu ba enkontru ohin ne'e, importante no imperativu tebes ba Ministériu atu hala'o komunikasaun kona-ba planu ne'ebé ita hala'o iha tinan kotuk liuba no saida mak ita sei halo iha tinan 2022”, dehan Ministru Turismu Komersiu no Industria, José Lucas di Carmo da Silva, iha Salaun CCD, Kaikoli-Dili, tersa (01/03).

Konseitu koordenasaun ne'e, ho parte doadór sira hothotu ne'ebé servisu ho MTKI atu haforsa ka mellora liután kooperasaun ba futuru nian.

Nune'e Timor-Leste bele identifika lakuña ka koordenasaun ne'ebé la'o ladun másimu ba futuru bele halo di’ak liután.

Tanba ne'e, hanesan meius komunikasaun ida husi Governu ba doadór sira kona-ba programa foun ruma ne'ebé doadór sira iha.

Ba tividade ne'e hanesan oportunidade di’ak ida MTKI atu koordesaun nafatin ho parseiru dezenvolvimentu sira.

“Programa ne'ebé mak alerta ba sira mak kooperasaun Ekonomia, tanba programa ida ne'e englova programa lubuk ida iha laran, hanesan turizmu, komérsiu industria, iha hotu laran, tanba ne'e ohin aprezentasaun ohin halo ona, agora ita haree took, oinsá iha parte doadór sira, iha interese ba saida, para hato'o mai ita, hodi halo melloramentu de’it ka, ou keta halo iha inisiativa ruma sira hakarak serbisu hamutuk ho ita, ou fasilita ka, ida ne'e mak ita hein diskusi kle'an liután ho sira”, hatete nia.

Enkuantu doadór sira iha MTKI ne'e barak teb-tebes, tanba Ministériu ne'e boot iha turizmu, komersiu industria, maibé importante loos ba MTKI mak atu identifika lakuna ne'ebé mak iha, no identifika mós intereses foun ne'ebé mak doadór sira ne'ebé mak hakarak serbisu hamutuk, nune'e bele halo ba programa 2022 nian di’ak liután. (*)