Tempotimor (Dili)-Finalista husi Universidade Nasional Timor-Lorosa'e (UNTL) hamutuk nain 349 sei tuir graduasaun prezensiál iha loron sesta, (27/08/2021).

Tempotimor (Dili)-Diretór Ezekutivu Fundu Dezenvolvimentu Kapitál Umanu (FDCH), Hermengildo da Silva, asina kontratu ho benifisiária Programa Bolsa hakbi’it ba estudante kbi’it la’ek hamutuk atushaat-ualunolu (480) iha Universidade Nasionál Timor Lorosa’e (UNTL).

Tempotimor (Dili)-Ministru Finansa (MF), Rui Gomes hatete, pozisaun governu nafatin kumpre ninia komprimisu proteze timoroan sira husi covid-19 nomós buka solusaun ba estudante sira atu tuir aula.

Tempotimor (Dili)-Reitór Universidade Nasionál Timor Lorosae(UNTL), João Soares Martins hatete, aula prezensiál ba estudante UNTL sei hein instrusaun husi Ministériu Ensinu Superior Siénsia no Kultura (MESSK), tanba karta komunikasaun formál ba universidade atu reativa aula prezensiál.

Tempotimor (Dili)-Reitór Universidade Nasionál Timor Lorosae(UNTL), João Soares Martins, agradese ba Governu tanba iha situasaun pandemia Covid-19 nia laran bele apoiu sira hodi hari’i edifisiu ba Fakuldadr Medisina-UNTL.

Tempotimor (Díli)-Komisáriu Komisaun Funsaun Públika (KFP) ba Asuntu Disiplinar, António Freitas hatete, KFP sei aplika pena administrativa ba funsionáriu Universidade Nasionál Timor-Leste (UNTL) ida, tanba kontra kompromisu kontratasaun.

Tempotimor (Dili)-Reitór Universidade Nasionál Timor Lorosa'e (UNTL), João Soares Martins hatete, vasina ne’ebé durante ne’e aplika hodi halo prevensaun ba moras Covid-19, bele ajuda UNTL atu reativa aula prezensiál.

Tanba surtu Covid-19 ne’e konsege happara atividade hothotu iha rai laran inklui atividade eskola ninia, maibé ho vasina AstraZeneca no Sinovac ne’ebé apoiu husi parseiru sira bele fasilita ona hodi hasa’e imunidade sidadaun hotu hasoru moras refere.

“Ami tenta atu rekopera ho fasilidade online, mais ita la bele konfia ba timortelekom, telekomcel ho telemor sira sai la amor hotu tanba nunka ajuda ita, ho oportunidade ida ne'e, ami agradese tebtebes ho vasinasaun ida ne'e, atubele hahú filafali aula prezensiál ne'ebé mak profesór sira, estudante sira hein filafali ba normalidade”, dehan Reitór iha seremonia lansamentu vasina Sinovac ba estudante, profesór no komunidade Xineza iha kampus sentrál UNTL, segunda (14/06).

Haree ba situasaun ida ne'e perigu tebtebes no la bele kontinua situasaun hanesan ne'e, tanba afeita ba futuru nasaun nian, liga ho kualidade formasaun.

“Sira envez sai formadu ne'ebé bem formadu, maibé sira sai de'it formadu online, entaun ida ne'e sei la ajuda ita. Ita kontente mundu dejitalizadu ita presiza apoiu husi fasilidades hotu inklui ensinu distánsia atravéz modalidade online, maibé ema realidade iha Timor, ita la bele tau esparasa maka’as liu, tanba ita-nia kompaña telekomunikasaun la bele fasilita ita hala'o ita-nia servisu”, afirma Reitór.

Ho ida ne’e, estudante, profesór sira bele hakat ba sentru vasina, atu hahú atividade aprendizazem husi ensinu báziku, sekundaria to'o universidade.

Entretantu, Ministru Ensinu Superior Siénsia no Kultura (MESSK), Loguinhos dos Santos hatutan, kampaña vasinasaun ne’e importante ba komunidade akademika sira liuliu ba profesór, estudante, funsionáriu sira husi instituisaun públiku no privadu sira inklui mós komunidade Xineza iha munisípiu Dili ho vasina Sinovac.

“Ita hotu hatene katak, atividade eskola iha nível hothotu, iha nível superior sira hetan suspende, tanba hetan propagasaun ne'ebé maka’as husi Covid-19 ho razaun ida ne'e mak ohin ita hahú kampaña vasinasaun”, dehan nia.

Kampaña vasinasaun ida ne'e importante ba komunidade akademika sira, atu bele proteze-an no liuliu ba komunidade sira-nia moris tanba atu konkretiza objetivu ida ne'e, presiza servisu hamutuk hodi asegura maioria mai husi dosente rihun-67, estudante no funsionáriu sira tomak, atubele asegura ativamente ba kampaña no tuir prosesu vasinasaun ida ne'e ho kompletu.

“Ha'u apela ba dosente sira, estudante sira no funsionáriu sira, husi instituisaun superior sira katak la bele tauk atu tuir vasina no uza oportunidade ida ne'e atu proteze imi-nia saúde no ba família tomak hodi kontribui ba pais ida ne'e”, afirma Ministru.

Vasina Sinovac ne'e servisu hamutuk entre Ministériu Ensinu Superior Siénsia no Kultura, Ministériu Saúde hodi define postu ne'ebé mak atu establese iha Munisípiu Dili hanesan UNTL, IOB, DIT, Sekretáriu Estadu Desportu nomós Asosiasaun Xineza. (*)

Tempotimor (Dili)-Reitór Universidade Nasionál Timor Lorosa'e (UNTL), Joao Soares Martins hatete, UNTL konsege ezekuta Orsamentu Jerál Estadu (OJE) 2021 atinje ona pursentu 27.

Tempotimor (Dili)-Portavoz Movimentu Universitáriu Timor Leste (MUTL), Denis Saebaku, husu ba membru Parlamentu Nasional (PN) atu fiskaliza ba kazu membru Polisia Nasional Timor-Leste (PNTL) ne’ebé baku negosiante nu’u iha Tasitolu.

"Movimentu Universitáriu Timor Leste (MUTL), husu ba Parlamentu Nasional (PN) Komisaun B hodi tun Direitamente ba halo fiskalizasaun ba kazu refere”, dehan Denis liuhusi iha Kampus Sentrál UNTL kuarta (26/05).

Ho atetude ne’e, MUTL kondena maka'as atu husi oknum PNTL hasoru vendedore ambulante iha Tasitolu iha loron domingu (23/05)

"MUTL Kondena maka’as Asaun Bandalizmu, no Brutaliznu husi Membru Oknu PNTL ne’ebé halo agresaun fiziku hasoru Negosiante ka Vendedor Ambulante Roda 3”, dehan nia.

MUTL mós ejize ba Komandu Jerál Polísia Nasionál Timor-Leste (PNTL) atu espulsa oknum ne’ebé halo agresaun fizika hasoru vendedor na’in-rua fa’an nu’u.(*)

Tempotimor (Dili)-Universidade Nasional Timor-Lorosa'e (UNTL) sei oferse bolsu estudu ba jornalista no funsionáriu Rádiu Televizaun Timor-Leste, Empreza Públika (RTTL,EP).