Tempotimor (Dili) - Planu importante husi Ministeiru Ensinu Superiór Siénsia Kultura (MESSK) relasiona ho sidade universitáriu iha Aileu, daudaun ne'e kompleta ona dadus no hein atu aprova rezolusaun husi Konsellu Ministru, nune'e halo indimizasaun ba povu ne'ebé afeta ba projetu ne'e.

Tempotimor (DILI)-Aliansa Universitáriu Timor-Leste (AUTL) konsidera Ministru Ensinu Superior, Siénsia no Kultura (MESSK) Longuinhos dos Santos laiha moral tanba aprova dekretu lei númeru 21/2020 neebé obriga estudante sira husi ensinu superior iha rai laran kontinua selu propinas.

Ohin, Segunda (17/08), AUTL organiza estudante ensinu superior 8 iha kapital Dili hanesan, UNTL, UNDIL, UNITAL, UNPAZ, ICS, DIT, Cristal no IOB, hodi halo asaun manifestasaun kontra Ministru Longuinhos.

Kordenadór kampu husi UNTL, Moises Soares Magno hatete, sistema ne'ebé dadaun ne'e aplika husi MESSK, hatudu asaun a favór hodi diskrimina povu kiik nia oan ne'ebé eskola iha rai laran.

Tanba, nia hatete, Ministru Longuinhos hatudu ninia inkonsiente hodi la hanoin ba povu kiak nia oan sira ne'ebé enfrenta problema ekonómia no finanseiru uma-laran durante implementasaun estadu emerjénsia ba Covid-19.

"Ministru Longuinhos laiha moral, tan halo lei hodi kesi de'it povu ki'ik no kiak nia oan, ida ne'e nia halo diskriminasaun boot ba ita estudante sira iha rai laran," deklara Moises.

Iha fatin hanesan, Koordenadór Kampu husi UNDIL, Leonízio Bemvíndo Marrís hatete, governu TL kria lei oioin neebé la fó benefìsiu ba povu kiak, maibé fó benefísiu de'it ba grupu élite sira ho sira-nia família.

"Kria lei barak liu fali povu Timor-Leste, depois la fó benefísiu ba povu. Sistema ne'e marjilaniza povu iha kualker aspetu. Ita tenke harahun korente imperializmu foun ne'ebé hahú dadaun hanehan povu ki'ik," dehan nia.

Tan nee, nia husu ba MESSK atu hapara diskriminasaun hasoru estudante rai laran no atu anula nia desizaun hodi garante sidadaun hotu iha direitu hanesan.

"Estudante sira iha rai liur hetan fali subsídiu, tanba sá ami iha rai laran la hetan subsídiu?," nia kestiona.

Tuir planu, asaun manifestasaun nee sei halao durante loron lima, hahú husi 17 too 21 Agostu. Bainhira la hetan resposta pozitivu husi Ministru Longuinhos, manifestante sira ameasa atu halo manifestasaun neebé boot liu hodi hatuun ministru Longuinhos husi nia kargu.

Tempotimor (Dili) - Ministru Ensinu Superiór Siénsia no Kultura (MESSK), Longuinhos dos Santos konsidera estudante Aliansa Universitáriu Timor-Leste (AUTL) ne'ebé ezije subsídiu la koerénsia.

Tempotimor (Dili) - Asosiasaun Universitáriu Timor-Leste (AUTL) hatama petisaun ba Ministru Ensinu Superiór Siénsia no Kultura (MESSK) hodi fó livre propina ba semestre pár nian, maibé petisaun ne’e hetan rejeisaun.

Tempotimor (Dili)- Reitor Universidade da Paz (UNPAZ) Adolmando Amaral hatete, husu Governu labele halo promesa barak hanesan Ministru Ensinu Superior Sciencia no Kultura, Longuinhos dos Santos fo sai ona iha inisiu fulan Abril, maibe aplika Estadu Emergensia presiza apoiu mos tenke Emergensia.

Tempotimor (Dili)-Ministériu Ensinu Superiór Siénsia no Kultura (MESSK) prepara hela proposta subsidiu ba estudante Timor-oan sira ne'ebé hala'o estudu iha rai li'ur.